22 اپریل ، 2025 
پاکستان
دہشتگرد پولیس چوکی کےکیمروں کو نشانہ بناکر حملہ کرنا چاہتے تھے اور دہشتگردوں نے مختلف اطراف سے چوکی پر فائرنگ کی: سی پی او پشاور/ فائل فوٹو
بنوں میں پولیس چوکی پر دہشتگردوں کا حملہ ناکام
22 اپریل ، 2025
پشاور: پولیس نے بنوں پولیس چوکی پر دہشتگردوں کا حملہ ناکام بنادیا۔
سینٹرل پولیس آفس پشاور کے مطابق بنوں میں رات کو پولیس چوکی دھڑئے پل پر 19 دہشتگردوں نے حملہ کیا، دہشتگرد 8 موٹر سائیکلوں پر آئے تھے جن میں سے 3 دہشتگردوں کو پولیس چوکی کی طرف بڑھتےدیکھا گیا۔
سی پی او پشاور نے بتایا کہ دہشتگرد پولیس چوکی کےکیمروں کو نشانہ بناکر حملہ کرنا چاہتے تھے اور دہشتگردوں نے مختلف اطراف سے چوکی پر فائرنگ کی۔
سینٹرل پولیس آفس کے مطابق پولیس اہلکاروں نے بروقت کارروائی کرکے حملہ ناکام بنادیا جس کے بعد دہشتگرد فرار ہوگئے۔
