22 اپریل ، 2025 
'مجھےکرکٹ کھیلنے پر افسوس ہے'، سابق بھارتی کپتان نے ایسا کیوں کہا؟
22 اپریل ، 2025
بھارتی کرکٹ ٹیم کے سابق کپتان محمد اظہر الدین نے حیدرآباد کرکٹ ایسوسی ایشن کے اسٹیڈیم کے ایک اسٹینڈ سے اپنا نام ہٹانے کے فیصلے پر شدید مایوسی اور ناراضی کا اظہار کیا ہے۔
انہوں نے اس اقدام کو کرکٹ کی توہین قرار دیتے ہوئے بھارتی کرکٹ بورڈ سے مداخلت کی اپیل کی ہے۔
بھارتی میڈیا سےگفتگو میں اظہرالدین کا کہنا تھا کہ یہ کہتے ہوئے مجھے بہت تکلیف ہو رہی ہےکہ مجھے کرکٹ کھیلنے پر افسوس ہے۔ ایسے لوگوں کو دیکھ کر دل دکھتا ہے، جنہیں اس کھیل کے بارے میں کچھ نہیں معلوم یا وہ اس کھیل کی بہت کم سمجھ رکھتے ہیں لیکن پھر بھی وہ انتظامی عہدوں پر فائز ہیں۔
خیال رہےکہ بھارتی کرکٹ ٹیم کے سابق کپتان اور حیدرآباد کرکٹ ایسوسی ایشن کےسابق صدر پر الزام ہےکہ انہوں نے 2019 سے 2023 تک حیدرآباد کرکٹ ایسوسی ایشن کے صدر کی حیثیت سے جانبدارانہ فیصلے کیے جن سے مفادات کا ٹکراؤ ہوتا تھا۔
اظہرالدین کے خلاف یہ الزام ایک مقامی کرکٹ کلب کی جانب سے عائد کیا گیا تھا جس کے بعد حیدرآباد کرکٹ ایسوسی ایشن نے حیدرآباد کے راجیو گاندھی انٹرنیشنل اسٹیڈیم کے نارتھ اسٹینڈ سے ان کا نام ہٹا دیا۔
سابق بھارتی کپتان کا کہنا تھا کہ وہ اس فیصلے کے خلاف عدالت جائیں گے۔ انہوں نے بی سی سی آئی سے بھی اپیل کی کہ اس معاملے پر مداخلت کرے۔
مزید خبریں :
سابق آسٹریلوی کرکٹر اور کمنٹیٹر کو 4 سال قید کی سزا
22 اپریل ، 2025
بوسٹن میراتھون میں پاکستانی ایتھلیٹس کی شاندار کارکردگی
22 اپریل ، 2025
پی ایس ایل 10: کراچی کنگز نے پشاور زلمی کو 2 وکٹوں سے شکست دیدی
22 اپریل ، 2025
