23 اپریل ، 2025 
ہالی وڈ اداکارہ کرسٹن اسٹیورٹ نے اپنی گرل فرینڈ سے شادی کرلی
23 اپریل ، 2025
ہالی وڈ کی معروف اداکارہ کرسٹن اسٹیورٹ نے اپنی گرل فرینڈ ڈیلن میئر کو 6 سال ڈیٹ کرنے کے بعد ان سے شادی کرلی۔
غیر ملکی خبر رساں ادارے کے مطابق کرسٹن اسٹیورٹ اور ڈیلن میئر کی پہلی ملاقات 2013 میں فلم کے سیٹ پر ہوئی تھی۔
بعد ازاں 2019 میں کرسٹن نے گرل فرینڈ ڈیلن میئر کے ساتھ انسٹا گرام پر اپنے رشتے کی تصدیق کی تھی اور 2 سال بعد 2021 میں کرسٹن اور ڈیلن کی جانب سے اپنی منگنی کا باقاعدہ اعلان بھی کیا گیا۔
منگنی کی پوسٹ میں کرسٹن اسٹیورٹ نے انکشاف کیا تھا کہ’ میں نے ڈیلن کو نہیں بلکہ ڈیلن نے مجھے پروپوز کیا تھا‘ ۔
تاہم اب جوڑی نے ایسٹر کے موقع پر لاس اینجلس میں واقع گھر میں منعقدہ تقریب میں باقاعدہ شادی کرلی جس کی تصاویر بھی سوشل میڈیا پر وائرل ہیں۔
کرسٹن اور ڈیلن کی شادی کی تقریب میں ان کے قریبی دوست امریکی اداکارہ اور سنگر ایشلے بینسن، برانڈن ڈیوس سمیت دونوں کے اہل خانہ نے شرکت کی۔
جوڑی کی جانب سے حال ہی میں شادی کا باقاعدہ لائسنس بھی عدالت سے حاصل کرلیا گیا ہے۔
مزید خبریں :
بھارتی ڈرامہ ’تارک مہتا کا الٹا چشمہ‘ کے اداکار نے خودکشی کرلی
22 اپریل ، 2025
شادی کی 18ویں سالگرہ پر ایشوریا رائے کی انسٹاگرام پوسٹ وائرل
21 اپریل ، 2025
معروف بھارتی اداکارہ ممتاز جیو ٹی وی کے ڈرامے کی مداح نکلیں
21 اپریل ، 2025
