27 اپریل ، 2025 
پہلگام واقعہ: حدود کی بندش سے بھارتی ائیر لائنز کو غیرمعمولی تاخیر اور منسوخی کا سامنا
27 اپریل ، 2025
پہلگام واقعے کے بعد پاکستان کی جانب سے بھارتی طیاروں کے لیے فضائی حدود کی بندش کے چوتھے روز آج بھی بھارتی ائیر لائنز کا فلائٹ آپریشن بری طرح متاثر ہے۔
ایوی ایشن ذرائع کے مطابق طویل فاصلوں سے دارالحکومت نئی دہلی اور امرتسر آمد کی 33 پروازوں میں 2 سے 9 گھنٹے کی تاخیر ہوئی ہے، نجی ائیر کی دہلی سے الماتے کی پروازیں آج تیسرے روز بھی منسوخ ہیں۔
بھارتی نائب صدر کو روم سے دہلی واپس لے جانے والی خصوصی پرواز کو بھی طویل مسافت طے کرکے دارالحکومت دہلی پہنچنا پڑا۔
نیویارک، ٹورنٹو، ویانا اور لندن سے دہلی کی 8 پروازوں میں 3 سے 9 گھنٹے تاخیر ہوئی جبکہ دمام، فرینکفرٹ، برمنگھم، پیرس اور میلان سے دبئی کی پروازیں بھی تاخیر کا شکار ہوئیں۔
ایمسٹرڈم، کوپن ہیگن، واشنگٹن اور شکاگو سے دہلی کی پروازوں میں غیرمعمولی تاخیر ہوئی۔ تبلیسی، پیرس، جدہ، دوحہ اور تاشقند سے دہلی کی پروازوں میں بھی 2 سے 7 گھنٹے اور طویل روٹ سے لندن اور دبئی سے امرتسر کی پروازوں میں بھی 2گھنٹے تک تاخیر ہوئی۔
مزید خبریں :
کیتھولک مسیحیوں کے نئے پیشوا کا انتخاب کیسے ہوتا ہے؟
11 گھنٹے پہلے
پہلگام واقعے پر بھارت کی حقائق چھپانے کی ناکام کوشش
27 اپریل ، 2025
کیتھولک مسیحیوں کے روحانی پیشوا پوپ فرانسس کی تدفین کر دی گئی
27 اپریل ، 2025
