27 اپریل ، 2025 
کیا پہلگام واقعے کے بعد پاک بھارت کشیدگی ایٹمی جنگ تک جانےکاخدشہ ہے؟
27 اپریل ، 2025
روسی میڈیا نے دعویٰ کیا ہے کہ وزیردفاع خواجہ آصف نے پہلگام واقعے پر پاکستان اور بھارت کے درمیان جاری کشیدگی ایٹمی جنگ میں تبدیل ہونے کا خدشہ رد کردیا ہے۔
روسی میڈیا کو انٹرویو میں وزیر دفاع خواجہ آصف نے کہا کہ چین، روس یا مغربی ممالک اس بحران میں بہت زیادہ مثبت کردار ادا کرسکتےہیں۔
چین، روس یا مغربی ممالک تحقیقاتی ٹیم بھی بناسکتے ہیں کہ آیا بھارت یا بھارت کے وزیراعظم نریندر مودی واقعے پرجھوٹ بول رہے ہیں یاسچ۔
خواجہ آصف نے کہا کہ بین الاقوامی ٹیم کو حقائق جاننے دیں، یہ معلوم کیا جانا چاہیےکہ بھارت یا کشمیر میں مجرم ہےکون تاہم باتوں یا خالی بیانات سے کوئی فرق نہیں پڑتا، شواہد ہونےچاہیں کہ پاکستان ملوث ہے یا پاکستان میں کسی نے ان لوگوں کی مدد کی۔
وزیر دفاع خواجہ آصف نے کہا کہ اب تک بھارت کی جانب سے صرف کھوکھلے بیانات دیے جارہے ہیں اور اس کے سوا کچھ نہیں۔
روسی میڈیا کے مطابق وزیردفاع خواجہ آصف کے نزدیک صورتحال ایٹمی جنگ کی طرف نہیں جائے گی تاہم وزیردفاع نے خبردار کیا ہے کہ بھارت نےدراندازی کی یا حملہ کیا تو متناسب سے زیادہ جواب دیاجائےگا۔
خواجہ آصف نے یہ بھی کہا کہ بھارت نےکشیدگی نہ بڑھائی توپاکستان بھی فوجی کارروائی سےگریزکرےگا، پاکستان کشیدگی بڑھانا نہیں چاہتا اور نہ ہی کسی اقدام میں پہل کرنا چاہتا ہے۔
مزید خبریں :
بھارت پانی کا رخ موڑ سکتا ہے اور نہ ہی روک سکتا ہے: خواجہ آصف
27 اپریل ، 2025
