28 اپریل ، 2025 
شاہ رخ خان کبھی مقبوضہ کشمیر کیوں نہیں گئے؟ وجہ سامنے آگئی
28 اپریل ، 2025
کیا آپ جانتے ہیں کہ بالی وڈ سپر اسٹار شاہ رخ خان کبھی مقبوضہ کشمیر کیوں نہیں گئے؟
گیم شو ’کون بنے گا کروڑ پتی‘ میں امیتابھ بچن کے سامنے کی جانے والی شاہ رخ کی گفتگو کا ایک کلپ سوشل میڈیا پر وائرل ہوگیا جس میں اداکار نے بتایا کہ وہ آج تک کبھی مقبوضہ کشمیر نہیں گئے اور اس کے پیچھے ایک نہایت دل چھو لینے والی کہانی ہے۔
شاہ رخ خان نے انکشاف کیا 'میری دادی کشمیر سے تعلق رکھتی تھیں اور کشمیر سے میرا رشتہ بہت گہرا ہے، میرے والد نے مجھ سے کہا تھا کہ زندگی میں 3 جگہیں ضرور دیکھنا استنبول، روم اور کشمیر لیکن ساتھ یہ بھی کہا تھا کہ استنبول اور روم تو میرے بغیر دیکھ لینا مگر کشمیر میرے بغیر کبھی نہ جانا، میں تمہیں خود دکھاؤں گا'۔
انہوں نے کہا کہ بدقسمتی سے میرے والد کا انتقال بہت جلد ہوگیا اور اس ادھورے وعدے کی تکمیل کا موقع کبھی نہ آیا۔
بالی وڈ کے بادشاہ نے نم آنکھوں سے بتایا 'میں نے دنیا بھر کی سیر کی، دوستوں نے بلایا، خاندان والے چھٹیوں پر گئے مگر میں کبھی کشمیر نہیں گیا، بس دل میں وہی بات رہ گئی کشمیر میرے ابو کے بغیر نہیں دیکھنا'۔
یہاں یہ بات بھی قابلِ ذکر ہے کہ مذکورہ ویڈیو اداکار کی پرانی ویڈیو ہے، اس کے بعد 2012 میں ریلیز ہونے والی فلم 'جب تک ہے جان' کی شوٹنگ کشمیر کی تین مختلف جگہوں سری نگر، پہلگام اور گُل مرگ میں ہوئی تھی۔
مزید خبریں :
رتیش دیش مکھ کی فلم کا ڈانسر دریا میں ڈوب کر ہلاک
27 اپریل ، 2025
بانی پاکستان قائداعظم سے ملاقات کر چکا ہوں: فیصل رحمان کا انکشاف
25 اپریل ، 2025
