29 اپریل ، 2025 
معروف یوٹیوبر اذلان شاہ اور وریشہ یوٹیوب سے کتنا کماتے ہیں؟
29 اپریل ، 2025
پاکستان کے معروف یوٹیوبر اذلان شاہ اور ان کی اہلیہ وریشہ نے اپنی ماہانہ کمائی سے متعلق انکشاف کیا ہے۔
اذلان اور وریشہ نے حال ہی میں جیو پوڈکاسٹ میں شرکت کی جس میں انہوں نے یوٹیوب پر خوفناک اسٹوریز سنانے، ڈراؤنے پوڈکاسٹ کے سلسلے، گھر میں ہونے والے عجیب و غریب واقعات اور بیٹی کے ڈر سے متعلق بات کی۔
یوٹیوبرز نے بتایا کہ اب ہم نے یہ پوڈکاسٹ بند کردیا ہے کیوں کہ ہمارے گھر کا ماحول بالکل بدلتا جا رہا تھا، غیر مرعی چیزوں نے اسٹوڈیو کے بعد ہمارے گھر کا رُخ کر لیا تھا۔
پوڈکاسٹر و یوٹیوبر اذلان شاہ نے انٹرویو کے دوران بالی وڈ کنگ شاہ رخ خان سے ہونے والی ملاقات کا دلچسپ واقعہ بھی سنایا جب کہ یوٹیوبر رجب بٹ اور اداکار فہد مصطفیٰ کے تنازع پر گفتگو کرنے کے علاوہ میاں بیوی کا رشتہ مضبوط کرنے کےلیے ٹپس بھی دیں۔
یوٹیوب سے کی جانے والی کمائی:
میزبان مبشر ہاشمی کی جانب سے یوٹیوب سے ہونے والی کمائی سے متعلق پوچھے گئے سوال کے جواب میں اذلان شاہ نے کہا کہ وہ کوئی ایک فیگر تو نہیں بتا سکتے۔
اس دوران وریشہ شاہ نے کہا کہ ان کی کمائی ہر ماہ ایک جیسی نہیں ہوتی، کمائی کبھی کم اور کبھی زیادہ بھی ہوتی ہے۔
اذلان شاہ نے مزید کہا کہ ہماری کمائی کا آپ یہاں سے اندازہ لگا لیں گے ہم دونوں کو گھومنے کا بہت شوق ہے اور ہم اتنا کما لیتے ہیں کہ ہر سال 2 سے 3 ممالک کا آرام سے سفر کر سکتے ہیں۔
مزید خبریں :
نامور اداکارہ کا ساجد خان پر ہراسانی کا الزام
28 اپریل ، 2025
مادھوری کو ونود کھنہ کے ساتھ کس فلم میں کام کرنے کا پچھتاوا ہے؟
28 اپریل ، 2025
شاہ رخ خان کبھی مقبوضہ کشمیر کیوں نہیں گئے؟ وجہ سامنے آگئی
28 اپریل ، 2025
رتیش دیش مکھ کی فلم کا ڈانسر دریا میں ڈوب کر ہلاک
27 اپریل ، 2025
