02 مئی ، 2025 
پاکستان
فوٹو: فائل
لاہور میں موسلادھار بارش کے بعد 500 سے زائد فیڈرز ٹرپ کر گئے
02 مئی ، 2025
پنجاب کے مختلف شہروں میں بارش کی وجہ سے فیڈرٹرپ کرنے سے کئی شہروں میں بجلی کی آنکھ مچولی جاری ہے۔
جمعرات کو لاہور میں سو کلومیٹرفی گھنٹہ آندھی کے بعد بارش سے 565 سے زائد فیڈرز ٹرپ کر گئے۔
فیصل آباد میں بارش کے باعث 150فیڈر ٹرپ کرگئے جبکہ اسلام آباد میں بارش کے بعد 80 فیصد سے زائد فیڈرز پر بجلی بحال ہے۔
گوجرانوالہ،گجرات، منڈی بہاءالدین،کامونکی،حافظ آباد، سیالکوٹ اور وزیر آباد کے علاقے بھی بارش سے متاثر ہیں۔چکوال، جہلم اور بہاول نگر میں بھی بارش ہوئی۔
اس کے علاوہ میانوالی میں موسلادھار بارش اور ژالہ باری ہوئی جبکہ سرگودھا میں گھر کی دیوار گرنے سے ایک شخص جاں بحق اور 4 بچے زخمی ہوئے۔
