03 مئی ، 2025 
رواں سال اپریل 65 سالوں میں ساتواں سب سے خشک اپریل رہا
03 مئی ، 2025
کراچی: رواں سال اپریل گزشتہ 65 سالوں میں ساتواں سب سے خشک اپریل رہا۔
محکمہ موسمیات کے مطابق اپریل میں اوسط درجہ حرارت 65 سالوں میں دوسرا سب سے زیادہ ریکارڈ کیا گیا ہے جبکہ دن کا درجہ حرارت بھی گزشتہ 65 سالوں میں دوسرا سب سے زیادہ گرم درجہ حرارت رہا۔
محکمہ موسمیات نے بتایا کہ اپریل میں ملک کا اوسط درجہ حرارت 27.91 ڈگری سینٹی گریڈ رہا، اپریل میں یہ درجہ حرارت معمول سے 3.37 ڈگری سینٹی گریڈ زائد رہا جبکہ اپریل میں ملک کا معمول کا اوسط درجہ حرارت 24.54 ڈگری سینٹی گریڈ ہوتا ہے۔
محکمہ موسمیات نے مزید بتایا کہ رواں سال اپریل میں دن کا زیادہ سے زیادہ درجہ حرارت 36.40 ڈگری سینٹی گریڈ ریکارڈ کیا گیا، یہ اوسط 31.74 ڈگری سینٹی گریڈ سے 4.66 ڈگری سینٹی گریڈ زیادہ تھا۔
اس کے علاوہ ملک میں اپریل کے دوران رات کا کم سے کم درجہ حرارت 19.36 ڈگری سینٹی گریڈ رہا، یہ ملک کے اوسط 16.80 ڈگری سینٹی گریڈ سے 2.57 ڈگری سینٹی گریڈ زیادہ تھا، رواں سال اپریل کے دوران یہ بارش معمول سے 59 فیصد کم تھی۔
مزید خبریں :
فواد چوہدری کے وارنٹ جاری، گرفتار کرکے پیش کرنے کا حکم
10 گھنٹے پہلے
پنجاب کا بجٹ 13 جون کو پیش کیے جانے کا امکان
10 گھنٹے پہلے
