05 مئی ، 2025 
لاہور پولیس کی سندھ کے تاجر کو اغوا کرکے بھتہ وصولی، ویڈیو نے بھانڈا پھوڑ دیا
05 مئی ، 2025
لاہور میں محافظ ہی ڈکیت نکلے جہاں پولیس اہلکاروں نے سندھ کے تاجر کو اغوا کرکے تشدد کا نشانہ بنایا اور مقابلے میں مارنے کی دھمکی دے کر ایک لاکھ روپے بھتہ لے لیا۔
29 اپریل کی رات ایبٹ روڈ پر ناکہ لگائے قلعہ گجر سنگھ پولیس کی محافظ فورس کے 5 باوردی اہلکاروں نے سکھر سے آئے تاجر مشتاق احمد کو گن پوائنٹ پر روکا اور اغوا کرکے ویرانے میں لے گئے۔
پولیس کے مطابق تاجر کو تشدد کا نشانہ بنایا اور پولیس مقابلے میں مارنے کی دھمکیاں دیں۔
سی سی ٹی وی میں دیکھا گیا کہ 2 باوردی اہلکار تاجر مشتاق احمد کو اپنی موٹرسائیکل پر بٹھا کر لے جا رہے ہیں، نیلا گنبد انارکلی پہنچ کر اہلکار بینک کے باہر کھڑے ہوگئے اور تاجر نے اے ٹی ایم سے رقم نکلوائی، رقم لینے کے بعد تاجر کو سڑک پر چھوڑ کر فرار ہو گئے۔
تاجر کی درخواست پر تھانہ پرانی انارکلی پولیس نے محافظ فورس کے 5 اہلکاروں کے خلاف مقدمہ درج کر لیا۔
پولیس حکام کے مطابق پانچوں ملزمان کی شناخت کرلی گئی ہے اور گرفتاری کےلیے چھاپے جاری ہیں۔
مزید خبریں :
کراچی: خواجہ اجمیر نگری میں مبینہ پولیس مقابلہ، 2 ڈاکو ہلاک
28 اپریل ، 2025
کراچی: گیس چوری کیلئے بنائے گئے کنویں میں لاش کی اطلاع
27 اپریل ، 2025
