06 مئی ، 2025 
پاکستان
قطری وزیر اعظم کی پاک بھارت کشیدگی میں کمی کیلئے پاکستان کے اقداما ت کی حمایت
06 مئی ، 2025
قطر کے وزیر اعظم نے پاک بھارت کشیدگی میں کمی کے لیے پاکستان کے اقداما ت کی حمایت کردی۔
وفاقی وزیرداخلہ محسن نقوی سے ملاقات میں قطری وزیر اعظم محمد بن عبدالرحمان بن جاسم نے کہا کہ قطر خطے میں عدم کشیدگی کی پالیسی کا حامی ہے امید ہے سفارتی کوششوں سے کشیدگی کم ہو گی۔
قطری وزیر اعظم نے کہا کہ وزیراعظم شہباز شریف بہت محنت سے پاکستان کی معیشت کو درست سمت میں لے کر جا رہے ہیں۔
وزیرداخلہ محسن نقوی نے قطر کے وزیر اعظم کو بھارت کے جارحانہ اقدامات سے آگاہ کرتے ہوئےکہا کہ پہلگام واقعےکی غیر جانبدارانہ تحقیقات کی پیشکش پاکستان کے اصولی مؤقف کو مضبوط کرتی ہے۔
