پاکستان کے غیر ملکی زرمبادلہ کے ذخائر میں 11 کروڑ 80 لاکھ ڈالر کا اضافہ

کراچی: پاکستان کے پاس موجود زرمبادلہ کے ذخائر میں اضافہ ریکارڈ کیا گیا ہے۔

اسٹیٹ بینک پاکستان کی جانب سے جاری کردہ اعداد و شمار کے مطابق 2 مئی کو ختم ہونے والے کاروباری  ہفتے میں  اسٹیٹ بینک کے غیر ملکی زرمبادلہ کے  ذخائر 11 کروڑ  80  لاکھ ڈالر کے اضافے سے 10 ارب   33کروڑ  25  لاکھ ڈالر  ہو گئے۔ 

مرکزی بینک کا بتانا ہےکہ 2 مئی تک پاکستان کے مجموعی زرمبادلہ کے ذخائر 15  ارب 48کروڑ 26 لاکھ ڈالر ہوگئے۔