12 مئی ، 2025 
ڈونلڈ ٹرمپ قطر سے لگژری طیارہ بطور تحفہ قبول کرنے پر رضامند ہوگئے
12 مئی ، 2025
امریکی صدر ڈونلڈ ٹرمپ قطر سے لگژری طیارہ بطور تحفہ قبول کرنے پر رضامند ہوگئے۔
صدر ٹرمپ کا کہنا ہے کہ محکمہ دفاع کو 747 طیارہ کسی معاوضے کے بغیر بطور تحفہ مل رہا ہے، یہ طیارہ عارضی طور پر 40 سال پرانے ائیرفورس ون طیارے سے تبدیل ہوگا۔
وائٹ ہاؤس میں میڈیا سے بات کرتے ہوئے ٹرمپ نے وضاحت کی کہ بوئنگ کی جانب سے نئے ائیرفورس ون کی فراہمی میں تاخیر کی وجہ سے قطر کا تحفہ قبول کیا، صدارت کے اختتام پر طیارے کو ذاتی استعمال میں لانے کا ارادہ نہیں ہے۔
اس سے قبل اپنے سوشل میڈیا بیان میں کہا کہ یہ ایک بہت ہی عوامی اور شفاف لین دین ہے، ساتھ ہی ڈیموکریٹس کو بھی تنقید کا نشانہ بناتے ہوئے کہا کہ بدعنوان ڈیموکریٹس اصرار کر رہے ہیں کہ ہم طیارے کی بھاری قیمت ادا کر رہے ہیں۔
خیال رہے کہ یہ طیارہ امریکی حکومت کو ملنے والے مہنگے ترین تحائف میں سے ہوگا، ٹرمپ یہ طیارہ صدارت چھوڑنے کے بعد اپنی صدارتی لائبریری کے حوالے کرسکتے ہیں۔
وائٹ ہاؤس پریس سیکریٹری کیرولین لیویٹ کے مطابق غیر ملکی حکومت سے ملنے والا کوئی بھی تحفہ ہمیشہ قوانین پر عمل کرتے ہوئے قبول کیا جاتا ہے۔
مزید خبریں :
امریکا اور چین نے ٹیرف میں 115 فیصد کمی پر اتفاق کرلیا
12 گھنٹے پہلے
