13 مئی ، 2025 
کراچی میں رواں سال دوسری قومی مہم میں 37 ہزار سے زائد بچے پولیو ویکسین پینے سے محروم رہ گئے
13 مئی ، 2025
کراچی میں رواں سال کی دوسری قومی انسداد پولیو مہم کے دوران 37 ہزار سے زائد بچے پولیو کے قطرے پینے سے محروم رہ گئے۔
ذرائع محکمہ صحت کے مطابق کراچی سمیت سندھ بھرمیں 39 ہزار سےزائد بچوں کو پولیوسے بچاؤ کے قطرے پلانے سے انکار کیاگیا۔
کراچی میں 20 لاکھ 66 ہزار سے زائد بچوں کو پولیو کے قطرے پلائے گئے جبکہ شہر میں 27 لاکھ بچوں کو پولیو سے بچاؤ کے قطرے پلانے کا ہدف مقرر کیا گیا تھا۔
ذرائع محکمہ صحت کے مطابق سندھ میں انسداد پولیو مہم کے دوران 88 لاکھ سے زائد بچوں کو پولیو کے قطرے پلائے گئے جبکہ صوبے میں ایک کروڑ سے زائد بچوں کو پولیو سے بچاؤ کے قطرے پلانے کا ہدف مقرر کیا گیا تھا۔
دوسری قومی انسداد پولیو مہم 21 اپریل سے 27 اپریل تک جاری رہی۔ ای او سی کے مطابق اس مہم کی کارکردگی گزشتہ پولیو مہم کے مقابلے میں بہتر رہی جبکہ بچوں کو پولیو کے قطرے پلانے کے حوالے سے والدین کے انکار کی شرح میں کمی آئی ہے۔
اس سال کی تیسری قومی انسداد پولیو مہم 26 مئی سے یکم جون تک جاری رہے گی، اس دوران ملک بھر میں 4 کروڑ سے زائد بچوں کو پولیو سے بچاؤ کے قطرے پلانے کا ہدف رکھا گیا ہے۔
مزید خبریں :
جوان افراد میں امراض قلب کی شرح بڑھنے کی اہم وجہ دریافت
11 مئی ، 2025
ہر رات کتنے گھنٹے کی نیند بہترین ہے؟
09 مئی ، 2025
جنک فوڈ کو زیادہ کھانے کا ایک اور بڑا نقصان دریافت
08 مئی ، 2025
جسم سے کیلوریز کو کم کرنے کے آسان طریقے کیا ہیں؟
08 مئی ، 2025
روزانہ چکن کا استعمال کینسر کا شکار بنا سکتا ہے، تحقیق
06 مئی ، 2025
