14 مئی ، 2025 
مالی مشکلات سے دوچار ماضی کے معروف گلوکار سلیم شہزاد کے گھر میں آگ لگ گئی
14 مئی ، 2025
پاکستانی فلموں کے لیے یادگار گیت گانے والے ماضی کے معروف پلے بیک گلوکار سلیم شہزاد کے گھر میں آگ لگنے کے واقعے نے ان کی مشکلات میں مزید اضافہ کردیا ہے۔
ماضی کے مایاناز گلوکار سلیم شہزاد نے پاکستانی فلم، ریڈیو اور ٹی وی کے لیے 2 ہزارسے زائد گیت گائے۔
ان کی آواز نے فلم "ہیرا اور پتھر"، "تلاش"، "سوغات"، "غریبوں کا بادشاہ" اور "آوارہ جیسی 80 مشہور فلموں کو یادگار گیت دیے لیکن ماضی کی رومانوی آواز اب بہت نحیف ہوچکی ہے، بدقسمتی سے آنکھوں کے غلط آپریشن نے ان کی بینائی بھی چھین لی ہے۔
گزشتہ دنوں ان کے گھر میں آگ لگنے سے قیمتی البمز، سی ڈیز اور کیسٹس جل کر خاک ہو گئے اور اس حادثے نے ان کی زندگی کے یادگار لمحات کو بھی چھین لیا ہے۔
سلیم شہزاد شدید مالی مشکلات کا شکار ہیں وہ انتہائی دل شکستہ ہوکر حکومت سندھ اور گورنر سندھ سے داد رسی کی اپیل کررہے ہیں تاکہ عمر کے آخری حصے میں وہ در در کی ٹھوکریں نہ کھائیں۔
مزید خبریں :
صنم سعید اور محب مرزا کے ہاں پہلے بچے کی پیدائش متوقع
12 مئی ، 2025
پاکستانی فنکاروں کا بھی بھارت سے جنگ بندی کا خیر مقدم
11 مئی ، 2025
