16 مئی ، 2025 
پاکستان
فوٹو: فائل
باجوڑ میں قبائل کے 2گروپوں میں بالآخر 31 سال بعد صلح ہوگئی
16 مئی ، 2025
خیبر پختونخوا کے ضلع باجوڑ میں ماموند عمر خیل قبائل کے دو گروپوں میں 31سال بعد صلح ہوگئی۔
باجوڑمیں ماموند عمر خیل قبائل کے دوگروپوں خڑی خیل اور المازے میں 31سال پہلے متنازع زمین پر مسلح تصادم شروع ہوا تھا جس میں اب تک 71 افراد قتل اور سینکڑوں زخمی ہوگئے تھے ۔
انتظامیہ کی کوششوں سے ا ب فریقین میں صلح ہوئی جس کے لیے ایک تقریب منعقد کی گئی ۔
صلح تقریب میں ڈپٹی کمشنر،ارکان اسمبلی سمیت اعلیٰ سول حکام اور فریقین بھی شریک ہوئے۔
قبائلی تنازع کے حل ہونے کے بعد فریقین ایک دوسرے سے گلے ملے اورمبارک باد دی اور علاقے میں جشن منایا گیا۔
