16 مئی ، 2025 
پاکستان کی خواتین کرکٹرز نے بھی یوم تشکر جوش و خروش سے منایا
16 مئی ، 2025
کراچی: پاکستان کی خواتین کرکٹرز نے بھی یوم تشکر جوش و خروش سے مناتے ہوئے بہادر مسلح افواج کے ساتھ بھرپور یکجہتی کا اظہار کیا۔
قومی ویمنز ٹی ٹوئنٹی ٹورنامنٹ کے میچز سے قبل خواتین کھلاڑیوں نے شہدائے وطن کے لیے خصوصی دعا کی۔
چیلنجرز اور سٹارز کے درمیان نشینل بینک اسٹیڈیم کراچی جبکہ سٹرائیکرز اور انوینسبلز کے مابین اوول اکیڈمی گراؤنڈ میں یوم تشکر پر خصوصی دعائیہ تقریب کا انعقاد کیا گیا جہاں خواتین کھلاڑیوں اور آفیشلز نے شہدائے وطن کے درجات کی بلندی کے دعا کی اور شہدا کو خراج عقیدت پیش کیا۔
ویمن پلئیرز نے کہا کہ پوری قوم سیسہ پلائی دیوار کی طرح مسلح افواج کے ساتھ شانہ بشانہ کھڑی ہے، شہدا کے خاندانوں کے ساتھ دلی ہمدردی ہے، شہدا کی عظیم قربانیوں کو ہمیشہ یاد رکھا جائے گا۔
مزید خبریں :
