18 مئی ، 2025 
پی ایس ایل 10:کوئٹہ گلیڈی ایٹرز نے دلچسپ مقابلےکے بعد ملتان سلطانز کو ہرا دیا
18 مئی ، 2025
ایچ بی ایل پاکستان سپر لیگ (پی ایس ایل) 10کے 28 ویں میچ میں کوئٹہ گلیڈی ایٹرز نے ملتان سلطانز کو 2 وکٹ سے ہرادیا۔
راولپنڈی میں کھیلےگئے میچ میں ملتان سلطانز نےکوئٹہ گلیڈی ایٹرز کے خلاف ٹاس جیت کر بیٹنگ کا فیصلہ کیا۔
ملتان سلطانز نے پہلےکھیلتے ہوئے مقررہ 20 اوورز میں 7 وکٹ کے نقصان پر 185 رنز بنائے۔
ملتان سلطانز کی جانب سے یاسر خان 45 رنز کے ساتھ ٹاپ اسکورر رہے ، طیب طاہر نے 36 اور جہانزیب سلطان نے 25 رنز بنائے۔
کوئٹہ گلیڈی ایٹرز کی جانب سے عثمان طارق نے تین وکٹیں حاصل کیں۔
کوئٹہ گلیڈی ایٹرز نے دلچسپ مقابلےکے بعد 186رنزکا ہدف آخری گیند پر حاصل کرلیا۔
کوئٹہ نے 20 اوورز میں 8 وکٹ کے نقصان پر ہدف پورا کرلیا۔
کوئٹہ کی جانب سے حسن نواز نے ناقابل شکست 67 رنز بنائے، انہوں نے آخری گیند پر چھکا لگا کر ٹیم کو فتح دلوائی، ان کے علاوہ خواجہ نافع نے 57 رنز کی اننگ کھیلی۔
ملتان سلطانز کی جانب سے شاہد عزیز نے 3 وکٹیں حاصل کیں۔
خیال رہے کہ کوئٹہ گلیڈی ایٹرز پہلے ہی پلے آف کے لیے کوالیفائی کرچکی ہے جب کہ ملتان سلطانز بھی پہلے ہی پلے آف کی دوڑ سے باہر ہوچکی تھی۔
مزید خبریں :
پاکستانی کوہ پیما سرباز خان نے نئی تاریخ رقم کردی
8 گھنٹے پہلے
