کھیل

پی ایس ایل 10: لاہور قلندرز نے پشاور زلمی کو شکست دیکر پلے آف کیلئے کوالیفائی کرلیا

19 مئی ، 2025

پی ایس ایل 10: لاہور قلندرز نے پشاور زلمی کو شکست دیکر پلے آف کیلئے کوالیفائی کرلیا — فوٹو: پی ایس ایل

ایچ بی ایل پاکستان سپر لیگ (پی ایس ایل) 10کے 29 ویں میچ میں لاہور قلندرز نے پشاور زلمی کو ہرا کر پلے آف کیلئے کوالیفائی کرلیا۔

راولپنڈی میں کھیلا گیا میچ آندھی اور بارش کے باعث تاخیر سے شروع ہوا اور میچ کو 13 اوور تک محدود کردیا گیا۔ پشاور زلمی نے ٹاس جیت کر پہلے فیلڈنگ کا فیصلہ کیا۔

لاہور قلندرز نے پہلے بیٹنگ کرتے ہوئے مقررہ 13 اوورز میں 8 وکٹ پر 149 رنز اسکور کیے۔

لاہور قلندرز کی جانب سے فخر زمان نے 60، محمد نعیم نے 22، آصف علی نے 18 اور کوشال پریرا نے17 رنز بنائے۔

پشاور زلمی کی جانب سے احمد دانیال، علی رضا اور ڈینیئل سیمز نے دو، دو کھلاڑیوں کو آؤٹ کیا۔

لاہور قلندرز کے 150 رنزکے ہدف کے تعاقب میں پشاور زلمی کی ٹیم مقررہ 13 اوورز میں 8 وکٹوں پر 123 رنز بنا سکی۔ ڈینیئل سیمز نے 26 اور احمد دانیال نے 24رنز بنائے

لاہور نے زلمی کو 26 رنز سے شکست دے کر پلے آف کیلئے کوالیفائی کرلیا اور ساتھ ہی زلمی ٹرافی کی ریس سے باہر ہوگئی۔

پشاور زلمی پہلی مرتبہ پی ایس ایل کے پلے آف کیلئے کوالیفائی کرنے میں ناکام رہی۔

قلندر کی جیت کے ساتھ پی ایس ایل 10 کے پلے آف کی لائن اپ مکمل ہوگئی ہے۔3 ٹیمیں کراچی کنگز ، اسلام آباد یونائیٹڈ اور کوئٹہ گلیڈی ایٹرز پلے ہی آف مرحلے میں پہنچ چکی تھیں۔

ملتان سلطانز پہلے ہی ٹرافی کی ریس سے باہر ہوگئی تھی۔