21 مئی ، 2025 
پاکستان
فوٹو: فائل
ریلوے کا عید الاضحیٰ پر 5 خصوصی ٹرینیں چلانے کا اعلان
21 مئی ، 2025
وزیراعظم شہباز شریف کی ہدایت پر وزیریلوےحنیف عباسی نے عید الاضحیٰ پر 5 اسپیشل ٹرینیں چلانےکا اعلان کیا ہے۔
ریلوے ترجمان کے مطابق پہلی عید اسپیشل ٹرین 2 جون کو دوپہر ایک بجے کراچی سے لاہور روانہ ہوگی۔
دوسری عید اسپیشل ٹرین،3 جون کوصبح 10 بجےکوئٹہ سے پشاور روانہ ہوگی۔
تیسری خصوصی ٹرین لاہور سے کراچی کے لیے 3 جون ، چوتھی ٹرین کراچی سے راولپنڈی کےلیے 3 جون کی ہی رات روانہ ہوگی جبکہ پانچویں عیداسپیشل ٹرین کراچی سے لاہور کےلیے 4 جون کو رات 8 بجےروانہ ہوگی۔
ترجمان کے مطابق عید پر اسپیشل ٹرینوں کا مقصد مسافروں کو بروقت اور معیاری سفری سہولیات فراہم کرنا ہے۔
