21 مئی ، 2025 
پاکستان کے اشعب اور حمزہ ساؤتھ آسٹریلین اوپن اسکواش کے کوارٹر فائنل میں پہنچ گئے
21 مئی ، 2025
ٹاپ سیڈ پاکستان کے اشعب عرفان اور سیڈ نمبر 6 حمزہ خان ساؤتھ آسٹریلین اوپن اسکواش کے کوارٹر فائنل میں پہنچ گئے۔
ایڈیلیڈ میں جاری ساؤتھ آسٹریلین اسکواش چیمپئن شپ کے پہلے راؤنڈ میں بائی ملنے کے بعد پاکستان کے اشعب عرفان نے دوسرے راؤنڈ میں ہانگ کانگ کے کھلاڑی کو شکست دی۔
لیو چنگ کے خلاف اشعب عرفان نے 7-11، 5-11 اور 5-11 سے کامیابی حاصل کی۔
ایک اور میچ میں حمزہ خان نے دوسرے راؤنڈ میں مصر کے شیڈی شیربینی کو 1-3 سے شکست دی۔ مصر کے کھلاڑی کے خلاف حمزہ کی جیت کا اسکور 11-5 ، 6-11، 6-11 اور 4-11 رہا، حمزہ کو بھی ایونٹ کے پہلے راؤنڈ میں بائی ملا تھا۔
سیڈ نمبر چھ حمزہ خان کوارٹر فائنل میں سیڈ چار جاپان کے ٹومو اینڈو سے مقابلہ کریں گے جبکہ اشعب عرفان کل کوارٹر فائنل میں ملائیشیا کے جواشم چواہا سے مدمقابل ہوں گے۔
ایڈیلیڈ میں جاری ساؤتھ آسٹریلین اوپن اسکواش چیمپئن شپ کی مجموعی انعامی رقم 9 ہزار ڈالرز ہیں۔
مزید خبریں :
آئی سی سی چیمپئنز ٹرافی نے ویورشپ کے تمام ریکارڈ توڑ دیے
11 گھنٹے پہلے
پاک بنگلادیش ٹی ٹوئنٹی سیریز کے شیڈول کا اعلان کردیا گیا
11 گھنٹے پہلے
