21 مئی ، 2025 
آئی ایم ایف کا صوبوں کے اخراجات کم کرنے کا مطالبہ، بجٹ اہداف پرمشاورت جاری
21 مئی ، 2025
پاکستان کی عالمی مالیاتی فنڈ (آئی ایم ایف) کے ساتھ آئندہ مالی سال کے بجٹ اہداف پرمشاورت جاری ہے۔
ذرائع کے مطابق آئی ایم ایف کے ساتھ فی الحال کوئی شرائط طے نہیں ہوئیں، آئی ایم ایف کو ڈیٹا فراہم کردیاگیا اور اس متعلق سوالات کے جوابات دیے جا رہے ہیں۔
ذرائع نے بتایاکہ آئی ایم ایف سے معاشی بحالی کیلئے مختلف شعبوں میں ٹیکس رعایتیں مانگی ہیں تاہم آئی ایم ایف ٹیکس رعایت پرڈیٹا اورحکمت عملی دیکھ کر فیصلہ کرے گا۔
ذرائع کا کہنا ہے کہ آئی ایم ایف نے کسی ٹیکس رعایت کو ابھی مسترد نہیں کیا، ریئل اسٹیٹ شعبے کیلئے رعایتوں پر ابھی آئی ایم ایف سے مذاکرات نہیں ہوئے۔
ذرائع کے مطابق آئی ایم ایف نے ریاستی ملکیتی اداروں کی نجکاری پر عدم اطمینان کا اظہار کرتے ہوئے مطالبہ کیا ہے کہ قومی ائیرلائن کی نجکاری کی راہ میں حائل رکاوٹیں دورکریں جس پر پاکستانی حکام نے آئی ایم ایف کو یقین دہانی کرائی کہ قومی ائیرلائن کی نجکاری اس سال مکمل ہوجائے گی۔
ذرائع کے مطابق آئی ایم ایف نے صوبوں کے اخراجات کم کرنے کا مطالبہ کیا ہے اور صوبوں کی آمدن بڑھانے کی شرط رکھی ہے جبکہ زرعی انکم ٹیکس وصولی کیلئے تمام اقدامات کا بھی مطالبہ کیا ہے۔
مزید خبریں :
ملک میں سونا ہزاروں روپے مہنگا ہوگیا
8 گھنٹے پہلے
سونے کی فی تولہ قیمت مزید بڑھ گئی
20 مئی ، 2025
پاکستان اسٹاک ایکسچینج میں آج کاروبار کا ملا جلا دن رہا
19 مئی ، 2025
سونے کی قیمت میں ایک بار پھر بڑا اضافہ
19 مئی ، 2025
پاکستان میں نئے مالی سال کا بجٹ 2 جون کو پیش ہو گا
19 مئی ، 2025
