22 مئی ، 2025 
2 بچوں نے 1959 سے بوتل میں موجود پیغام کو ساحل پر سیر کے دوران دریافت کرلیا
22 مئی ، 2025
تصور کریں کہ آپ کسی ساحل پر بیٹھے لہروں سے لطف اندوز ہو رہے ہوں اچانک ایک بوتل مل جائے جس میں دہائیوں پرانا ایک تحریری پیغام چھپا ہوا ہو تو کیا کریں گے؟
اس کا تجربہ پولینڈ میں 2 بچوں کو ہوا جو ایک ساحل کے قریب چہل قدمی کر رہے تھے جب انہیں ایک بوتل ملی جس میں ایک تحریری پیغام موجود تھا۔
دونوں بچوں کی عمریں 10 سال ہیں اور انہوں نے بتایا کہ انہیں یہ بوتل پولینڈ کے شہر گدانسک کے ایک ساحل کے قریب ملی۔
اس بوتل کے اندر ہاتھ سے تحریر کردہ ایک محبت نامہ موجود تھا جسے 1959 میں لکھا گیا تھا۔
لکھائی کی سیاہی کافی حد تک ماند پڑ چکی تھی مگر خط سے عندیہ ملتا ہے کہ اسے ایک لڑکی Rysia نے کسی Bunny کے لیے تحریر کیا تھا۔
خط میں اس لڑکی نے لکھا تھا کہ وہ اسکول میں تنہائی محسوس کر رہی ہے اور دیگر جذبات کا اظہار کیا تھا۔
بوتل اور خط کو دریافت کرنے والے بچوں کے مطابق انہوں نے ایک میوزیم سے سے رابطہ کیا ہے۔
انہیں توقع ہے کہ میوزیم کی انتظامیہ خط تحریر کرنے والی خاتون کو دریافت کرنے میں کامیاب ہو جائے گی۔
مزید خبریں :
وہ ایک کام جو وقت گزرنے کی رفتار کو سست کر دیتا ہے
19 مئی ، 2025
آخر لوگوں کے منہ میں عقل داڑھیں کیوں ہوتی ہیں؟
15 مئی ، 2025
