24 مئی ، 2025 
انٹرٹینمنٹ
نعمان اعجاز کی اسٹوری سوشل میڈیا پر وائرل ہے جس پر صارفین دلچسپ تبصرے کررہے ہیں__فوٹو: فائل
فوٹو: اسکرین شاٹ
نعمان اعجاز بھی عید الاضحیٰ پر جانوروں کی ہوشربا قیمتوں پر حیران، دلچسپ طنز کردیا
24 مئی ، 2025
پاکستان کے سینئر اداکار نعمان اعجاز نے عید الاضحیٰ کے موقع پر مویشی منڈیوں میں آسمان سے باتیں کرتی جانوروں کی قیمت پر طنز کیا ہے۔
اداکار نے سوشل میڈیا پلیٹ فارم انسٹاگرام پر ایک اسٹوری شیئر کی جس میں انہوں نے اپنے خیالات کا اظہار کیا۔
اداکار نے لکھا کہ اگر ان دنوں مویشی منڈیوں میں مرغی بھی فروخت کے لیے کھڑی کردو تو بیوپاری اس کے بھی ایک لاکھ روپے مانگیں گے۔
نعمان اعجاز کی اسٹوری سوشل میڈیا پر وائرل ہے جس پر صارفین دلچسپ تبصرے کررہے ہیں۔
واضح رہے کہ پاکستان میں عیدالاضحیٰ 7 جون بروز ہفتے کو منائے جانے کا امکان ہے جس کے پیشِ نظر کراچی سمیت ملک بھر کی مویشی منڈیوں میں جانوروں کی خریداری جاری ہے۔
