28 مئی ، 2025 
غزہ کے والدین کی دل دہلا دینے والی چیخیں آسمان تک پہنچ رہی ہیں: پوپ لیو
28 مئی ، 2025
کیتھولک مسیحیوں کے مذہبی پیشوا پوپ لیو نے ایک بار پھر غزہ میں فوری جنگ بندی کی اپیل کرتے ہوئےکہا ہےکہ غزہ کے والدین کی دل دہلا دینے والی چیخیں آسمان تک پہنچ رہی ہیں۔
سینٹ پیٹرز اسکوائر پر اجتماع سے خطاب میں کہا کہ غزہ کے والدین اپنے معصوم بچوں کی لاشیں سینے سے لگائے بیٹھے ہیں، ان کی دل دہلا دینے والی چیخیں آسمان تک پہنچ رہی ہیں۔
پوپ لیو کا کہنا تھا کہ غزہ میں لڑائی فوری بند کی جائے، انسانی قوانین کا احترام کیا جائے۔
پوپ لیو نے اسرائیل اور حماس سے اپیل کی کہ وہ بین الاقوامی انسانی قوانین کی مکمل طور پر پاسداری کریں۔
دوسری جانب غزہ میں امداد لیتے لوگوں پر اسرائیلی فائرنگ سے 3 فلسطینی شہید اور 46 زخمی ہوگئے۔ اسرائیلی بمباری سے صبح سے اب تک 30 فلسطینی شہید ہوچکے ہیں۔
سابق اسرائیلی وزیراعظم ایہود المرٹ کا کہنا ہے غزہ کو بھوکا رکھنا جنگی جرم ہے، غنڈوں کا گروہ نیتن یاہو حکومت کی نمائندگی کر رہا ہے۔
مزید خبریں :
ویڈیو: 2 بن بلائے کبوتر مسافر بن کر پرواز میں گھس گئے
29 مئی ، 2025
