31 مئی ، 2025 
عورت کی کمائی میں برکت نہ ہونے کی باتیں بکواس ہیں: ثمینہ پیرزادہ
31 مئی ، 2025
پاکستان کی سینئر اداکارہ ثمینہ پیر زادہ نے خواتین کی آمدنی میں برکت نہ ہونے سے متعلق بیانات کو بکواس قرار دے دیا۔
سینئر اداکارہ ثمینہ پیر زادہ نے حال ہی میں دیے گئے ایک انٹرویو کے دوران مختلف موضوعات پر گفتگو کی۔
میزبان نے ثمینہ پیرزادہ سے سوال کیا کہ ہمارے یہاں کئی اداکاراؤں کا ماننا ہے کہ عورتوں کی کمائی میں برکت نہیں ہوتی، اسی طرح ان اداکاراؤں کا یہ بھی کہنا ہے کہ وہ بلوں کی لمبی لائنوں میں کھڑی نہیں ہوسکتیں آپ کی اس بارے میں کیا رائے ہے؟
سوال کے جواب میں ثمینہ پیرزادہ نے کہا کہ میں نے بھی بہت سنا ہے کہ عورت کی کمائی میں برکت نہیں ہوتی، اس کی آمدنی ہوائی روزی کی طرح ہوتی ہے وغیرہ وغیرہ یہ سب بکواس ہے۔
اداکارہ نے اپنے شوہر عثمان پیرزادہ سے متعلق بتایا کہ حال ہی میں ایک انٹرویو میں عثمان نے میری بہت تعریف کی تھی کیوں کہ میں نے اپنی بیٹیوں کو پڑھایا لکھایا،اگر میری کمائی میں برکت نہیں ہوتی تو میری بچیاں کیسے پڑھتیں؟میں نے بچیوں کو پڑھایا اور میرے شوہر نے گھر بنایا۔
ثمینہ پیرزادہ کا کہنا تھا کہ شاید اس کی وجہ یہ ہے کہ ہم میاں بیوی اپنا سب کچھ ایک دوسرے سے شیئر کرتے ہیں، کبھی اگر عثمان کو میری ضرورت پڑے یا مجھے عثمان کی تو ہم دونوں ایک دوسرے کیلئے حاضر رہتے ہیں، اسی طرح اگر کبھی عثمان کی فیملی کو بھی میرے وقت اور میری مدد کی ضرور پڑے تو میں اس کیلئے تیار ہوں۔
اداکارہ نے مزید کہا کہ میری والدہ کو میرے شوہر اور ان کے سب دامادوں نے پھولوں کی طرح رکھا، سارے داماد ان کا بہت خیال رکھتے تھے۔
مزید خبریں :
میکسکیو میں منشیات فروش گروہ نے 5 موسیقاروں کو قتل کردیا
30 مئی ، 2025
جیو کی فلم ”دیمک“ پاکستانی سنیما میں نیا ٹرینڈ سیٹ کریگی
29 مئی ، 2025
زبان سے متعلق بات کرنے پر کمل ہاسن کو مہنگا پڑ گیا
29 مئی ، 2025
