01 جون ، 2025 
دنیا
ٹرانسپورٹ آپریشنز کے دوران یہ واقعہ غیر قانونی مداخلت کے سبب پیش آیا جس میں کئی گاڑیوں کو بھی نقصان پہنچا ہے، ماسکو ٹرانسپورٹ آفس
روس میں پُل ٹرین پر گرنے سے ڈرائیور سمیت 7 افراد ہلاک، متعدد زخمی
01 جون ، 2025
کراچی: روس کے علاقے بریانسک Bryansk میں پُل ٹرین پر جاگرا جس کے نتیجے میں 7 افراد ہلاک ہوگئے۔
ماسکو ریلویز کے مطابق واقعہ سنگل ٹریک پر پیش آیا جس میں مسافرٹرین نمبر 86 متاثر ہوئی، ٹرین کلیموف (Klimov) سے ماسکو جارہی تھی۔
رپورٹ کے مطابق بریانسک (Bryansk) میں پیش آئے حادثے میں اب تک ڈرائیور سمیت 7 افراد ہلاک ہوچکے ہیں جبکہ متعدد افراد زخمی ہیں۔
حکام کا کہنا ہے کہ ٹرانسپورٹ آپریشنز کے دوران یہ واقعہ غیر قانونی مداخلت کے سبب پیش آیاجس میں کئی گاڑیوں کو بھی نقصان پہنچا ہے۔
حکام کے مطابق واقعے کے بعد امدادی کارروائیاں جاری ہیں جبکہ واقعے کی تحقیقات بھی شروع کردی گئی ہیں۔
