01 جون ، 2025 
جرائم
گرفتار ملزم نے بتایا کہ حارث اسکا بچپن کا دوست ہے پستول غلطی سے چل گئی،گرفتار ملزم کے 4 دوست پہلے سے گرفتار ہیں: پولیس/ فائل فوٹو
کراچی: فائرنگ سے جاں بحق حارث کے قاتل نے خود کو پولیس کے حوالے کردیا
01 جون ، 2025
کراچی کے علاقے حسین آباد میں فائرنگ سے جاں بحق ہونے والے حارث کے قتل کے مرکزی ملزم نے خود کو پولیس کے حوالے کر دیا۔
پولیس کے مطابق حسین آباد میں فائرنگ سے جاں بحق ہونے والے حارث کے قتل کے مرکزی ملزم دلاور نے خود کو عزیزآباد پولیس کے حوالے کردیا۔
گرفتاری سے قبل سوشل میڈیا پر جاری ویڈیو بیان میں دلاور نے کہا وہ اور مقتول حارث بچپن کے دوست ہیں، واقعہ غلطی سے پیش آیا، اسے علم نہیں تھا کہ پستول لوڈ ہے اور چل جائے گا، میں خود حارث کو اسپتال لیکر گیا اور نام بھی اپنا ہی لکھوایا تھا۔
پولیس کے مطابق ملزم کے 4ساتھی پہلے سے گرفتار ہیں، گرفتار ملزمان نے پولیس کو گمراہ کیا اور واقعہ کو ڈکیتی کا رنگ دینے کی کوشش کی تھی۔
