04 جون ، 2025 
پاکستان فٹبال ٹیم کو میانمار کیخلاف میچ سے قبل دھچکا، اسٹرائیکر ریان زخمی
04 جون ، 2025
میانمار کے خلاف اے ایف سی ایشین کپ کوالیفائرز میں میانمار کے خلاف میچ سے قبل پاکستان فٹبال ٹیم نوجوان اسٹرائیکر ریان محمد کی خدمات سے محروم ہوگئی۔
اسکاٹ لینڈ میں ڈنڈی فٹبال کلب سے کھیلنے والے ریان کو پہلی بار پاکستان ٹیم میں شامل کیا گیا تھا تاہم انجری کی وجہ سے ان کا پاکستان ڈیبیو تاخیر کا شکار ہوگیا اور وہ میانمار کے خلاف میچ سے آؤٹ ہوگئے۔
ریان محمد اسلام آباد میں جاری قومی فٹبال ٹیم کے کیمپ کے دوران انجری کا شکار ہوئے۔
ذرائع کے مطابق وہ ہیمسٹرنگ انجری کا شکار ہوئے ہیں جس کی وجہ سے وہ میانمار کے خلاف میچ سے بھی آؤٹ ہوگئے۔ ریان محمد نے انجرڈ ٹانگ کی تصویر بھی سوشل میڈیا اسٹوری پر لگائی۔ ذرائع کا کہنا ہے کہ 19 سالہ اسٹرائیکر انجری کے بعد واپس اسکاٹ لینڈ روانہ ہوگئے۔
مزید خبریں :
ایشین ٹیم اسنوکر چیمپئن شپ میں پاکستان کا شاندار آغاز
12 گھنٹے پہلے
