06 جون ، 2025 
میٹ مرچنٹس نے بقرعید پر جانور ذبح کرنے کی ریٹ لسٹ جاری کردی
06 جون ، 2025
کراچی میں میٹ مرچنٹس کی جانب سے بقرعید پر جانور ذبح کرنے کی ریٹ لسٹ جاری کردی گئی۔
میٹ مرچنٹس ایسوسی ایشن کے مطابق 3 من تک بچھیا کے ذبح کرنے کا ریٹ 20 ہزار روپے مقرر کیا گیا ہے اور اونٹ کا معاوضہ 70 ہزار روپے لیا جائے گا۔
میٹ مرچنٹس ایسوسی ایشن نے بتایاکہ بکرا ذبح کرنے کی اجرت 10 ہزار روپے سےشروع ہوگی۔
میٹ مرچنٹس ایسوسی ایشن کا کہنا ہے کہ وزنی جانوروں کے ذبح کرنے کی اجرت مقامی قصاب طےکریں گے۔
دوسری جانب چیئرمین کنزیومر رائٹس کونسل شکیل بیگ نے میٹ مرچنٹس ایسوسی ایشن کی طے کردہ قیمتیں مسترد کردیں۔
انہوں نے کہا کہ بکرا ذبح کرنے کا ریٹ 3 ہزار سے زیادہ نہیں ہونا چاہیے اور گائے کا ریٹ 10 سے 15 ہزار ہونا چاہیے۔
ان کا کہنا تھاکہ اونٹ ذبح کرنے کا ریٹ 40 ہزار سےزیادہ نہیں ہونا چاہیے۔
مزید خبریں :
ملک میں فی تولہ سونا سیکڑوں روپے سستا ہوگیا
19 جون ، 2025
