انٹرٹینمنٹ

سلیم نے شادی کیلئے کئی سال تک منایا: ماہرہ کا انکشاف

11 جون ، 2025

سلیم نے شادی کیلئے کئی سال تک منایا: ماہرہ کا انکشاف — حقیقی زندگی میں بھی ایک رومانوی شخصیت ہوں ایسی شخصیت جو اپنے جذبات کا اظہار کیے بغیر نہیں رہ سکتی: مارننگ شو میں گفتگو/ فائل فوٹو

پاکستان کی سپر اسٹار اداکارہ ماہرہ خان نے انکشاف کیا ہے کہ انہیں شوہر نے شادی کیلئے کئی سال تک منایا۔

ماہرہ خان ان دنوں اپنی نئی فلم ’لو گرو‘ کی پروموشن میں مصروف ہیں، حال ہی میں ماہرہ خان عیدالاضحیٰ کے موقع پر فلم کی دیگر کاسٹ کے ہمراہ مارننگ شو میں شریک ہوئیں جس دوران ماہرہ نے کئی دلچسپ موضوعات پر گفتگو کی۔

دوران شو اپنی ذات سے متعلق گفتگو کرتے ہوئے ماہرہ خان نے بتایا کہ وہ حقیقی زندگی میں بھی ایک رومانوی شخصیت ہیں، ایسی شخصیت جو اپنے جذبات کا اظہار کیے بغیر نہیں رہ سکتی۔

یہ بھی پڑھیں

ماہرہ خان نے بتایا کہ میں حقیقی زندگی میں بھی بہت محتاط ہوں، خاص طور پر لائف پارٹنر کے انتخاب میں، سلیم نے شادی کیلئے مجھے کئی سالوں تک منایا۔

دوران گفتگو ماہرہ نے اس عرصے کی مدت بتانے سے گریز کیا۔

سپر اسٹار کے مطابق ان کے شوہر خاصے شرمیلے ہیں جب کہ ان کی خواہش ہے کہ وہ بھی ان کی طرح ہی اپنے جذبات کا اظہار کرتے ،ان کے شوہر کیمرے کے بھی عادی نہیں اسی لیے ٹی وی اور شوز پر آنے سے گریز کرتے ہیں کیونکہ انہیں کیمرے کے سامنے آنا بالکل پسند نہیں۔

ماہرہ خان نے مزید بتایا کہ سلیم کا چہرہ شادی کی ویڈیوز کے بعد پہچانا جانے لگا ہے اورانہیں یہ بات بھی پسند نہیں۔

یاد رہے کہ ماہرہ خان نے اکتوبر 2023 میں کاروباری شخصیت سلیم کریم سے دوسری شادی کی تھی جب کہ پہلی شادی سے ان کا ایک بیٹا اذلان بھی ہے۔