17 جون ، 2025 
بیلی جین کنگ ٹینس کپ میں پاکستان کا فاتحانہ آغاز، تاجکستان کو شکست دے دی
17 جون ، 2025
بیلی جین کنگ ٹینس کپ میں پاکستان نے فاتحانہ آغاز کرتے ہوئے گروپ کے پہلے میچ میں تاجکستان کو دو ایک سے شکست دے دی۔
بیلی جین کنگ ٹینس ایشین اوشیانا زون تھری کے گروپ اے کے میچ میں پاکستان نے تاجکستان کے خلاف کامیابی حاصل کی۔
پہلے سنگلز میں پاکستان کو اس وقت خسارہ ہوا جب کی آمنہ قیوم، انیسہ یاخیاوا کے خلاف تیسرے سیٹ میں ریٹائر ہوگئیں۔
آمنہ قیوم نے پہلے سیٹ میں حریف کے خلاف چھ دو سے کامیابی حاصل کی اور دوسرے سیٹ میں انہیں 3-5 کی برتری تھی کہ وہ انجری کا شکار ہوئیں اور مزید پوائنٹ نہ لے سکیں۔
تیسرے سیٹ کا پہلا گیم ہارنے کے بعد آمنہ میچ جاری نہ رکھ سکیں۔ دوسرے سنگل میں اُشنا سہیل نے سائیورا راجابیلیوا کو 3-6 اور 1-6 سے شکست دی اور مقابلہ برابر کیا۔
اس کے بعد پھر مہک کھوکھر کے ساتھ ڈبلز میں کامیابی حاصل کی۔ ڈبلز میں انیسہ یاخیاوا اور سمعیہ تختایوا کے خلاف پاکستانی پیئر نے 0-6 اور 1-6 سے کامیابی حاصل کی۔ایونٹ میں پاکستان اپنا دوسرا گروپ میچ ترکمانستان سے کھیلے گی۔
