Geo News
Geo News

Time 18 جون ، 2025
کاروبار

پاکستان اور ایشیائی ترقیاتی بینک کے درمیان ایک ارب ڈالر فنانسنگ کا معاہدہ طے پاگیا

پاکستان اور ایشیائی ترقیاتی بینک کے درمیان  ایک ارب ڈالر فنانسنگ کا معاہدہ طے پاگیا
اسلامی اور روایتی فنانسنگ پر مشتمل فائیو ائیر ملٹی ٹرانچ معاہدہ ہے، یہ معاہدہ پاکستان کی مالی اصلاحات پر عالمی اعتماد کا مظہر ہے: اعلامیہ— فوٹو:فائل

وزارت خزانہ اور ایشیائی ترقیاتی بینک (اے ڈی بی) کے درمیان ایک ارب ڈالر فنانسنگ کا معاہدہ طے پاگیا۔

وزارت خزانہ کے مطابق حکومت پاکستان نے 5 سالہ مدت کی مالیاتی سہولت پر دستخط کردیے۔ اعلامیے میں کہا گیا ہے کہ اے ڈی بی کی پالیسی بیسڈ گارنٹی سے فنانسنگ کو جزوی تحفظ حاصل ہے، اسلامی اور روایتی فنانسنگ پر مشتمل فائیو ائیر ملٹی ٹرانچ معاہدہ ہے۔

اعلامیے کے مطابق اسلامی فنانسنگ کا حصہ 89 فیصد، روایتی فنانسنگ 11 فیصد ہے اور یہ معاہدہ پاکستان کی مالی اصلاحات پر عالمی اعتماد کا مظہر ہے۔

اعلامیے میں کہا گیا ہے کہ پونے 3 سال بعد پاکستان کی مشرق وسطیٰ کے مالیاتی بازاروں میں واپسی ہوئی ہے، حکومت پاکستان اور مشرق وسطیٰ کے بینکوں کے درمیان نئے مالی تعلقات کا آغاز ہوا ہے۔

اعلامیے کے مطابق اے ڈی بی کی گارنٹی سے پاکستان کی عالمی منڈیوں میں دوبارہ شمولیت ممکن ہوئی۔