20 جون ، 2025 
ہالی وڈ سپر اسٹار ٹام کروز کو 35 برس بعد اعزازی آسکر سے نوازا جائے گا
20 جون ، 2025
ہالی وڈ کے سپر اسٹار ٹام کروز کو 35 برس بعد اعزازی آسکر ایوارڈ سے نوازا جائے گا۔
جان پر کھیل کر خطرناک اسٹنٹ کرنے والے ٹام کروز کا شمار ہالی وڈ کے بڑے سپر اسٹارز میں ہوتا ہے جنہیں کئی برسوں بعد اکیڈمک ایوارڈ سے نوازا جائے گا۔
دی اکیڈمی آف موشن پکچر آرٹس اینڈ سائنسز کی جانب سے 16ویں سالانہ گورنرز ایوارڈز کے لیے ناموں کا اعلان کیا ہے۔
اکیڈمی کی جانب سے ایک ایسی تقریب کا انعقاد کیا جارہا ہےجس میں فلم انڈسٹری سے تعلق رکھنے والوں کی غیر معمولی شراکت کو تسلیم کیا جائے گا۔
میڈیا رپورٹس میں بتایا گیا ہے کہ ٹام کروز پہلے 4 بار آسکر کیلئےنامزد ہوچکے ہیں لیکن بدقسمتی سے خطرناک اسٹنٹ کرنے والے سپر ہیرو کو کبھی آسکر ایوارڈ نہیں ملا اور اب 35 سال بعد ٹام کروز کو اعزازی آسکر ایوارڈ سے نوازا جائے گا۔
اعزازی آسکر حاصل کرنے والوں میں ٹام کروز کے علاوہ کوریوگرافر ٹریل بلیزنگ اور اداکارہ ڈیبی ایلن، ویژنری پروڈکشن ڈیزائنر وین تھامس بھی شامل ہیں۔
مزید برآں کنٹری میوزک لیجنڈ ڈولی پارٹن کو جین ہرشولٹ ہیومینٹیرین ایوارڈ سے نوازا جائے گا۔
واضح رہے کہ یہ اعزازی ایوارڈز 16 نومبر 2025 کو لاس اینجلس میں رے ڈولبی بال روم میں پیش کیے جائیں گے۔
مزید خبریں :
اداکار نمیر خان کی ڈریم گرل کون ہے؟
2 گھنٹے پہلے
سینیئر ٹی وی اداکارہ عائشہ خان انتقال کرگئیں
19 جون ، 2025
اداکارہ غنیٰ علی نے جلد شادی کرنے کی وجہ بتادی
19 جون ، 2025
