22 جون ، 2025 
دنیا
’کھیل ختم نہیں ہوا، افزودہ مواد اب بھی محفوظ ہے‘ امریکی حملےکے بعد ایرانی سپریم لیڈر کے مشیرکا بیان
22 جون ، 2025
ایرانی سپریم لیڈر سید علی خامنہ ای کے مشیر علی شمخانی نے ایرانی جوہری تنصیبات پر امریکی حملوں کے بعد سوشل میڈیا پر اہم بیان جاری کردیا۔
اپنے بیان میں علی شمخانی کا کہنا تھا کہ اگر یہ مان بھی لیا جائے کہ جوہری تنصیبات مکمل طور تباہ ہو گئیں ہیں تب بھی کھیل ابھی ختم نہیں ہوا۔
علی شمخانی نے مزید کہا کہ افزودہ مواد اب بھی محفوظ ہے، مقامی ٹیکنالوجی اور صلاحیتیں بھی موجود ہیں اور سیاسی ارادہ بھی۔
ایرانی سپریم لیڈر کے مشیر نے کہا کہ اپنے جائز حق دفاع کے ساتھ سیاسی اور آپریشنل اقدام اب اس فریق ہاتھ میں ہوگا جو ہوشیاری سے کھیلتا ہے اور اندھے اقدامات سے بچتا ہے۔
علی شمخانی کا کہنا تھا کہ سرپرائز کا سلسلہ جاری رہے گا۔
