25 جون ، 2025 
محرم الحرام کا چاند کب نظر آئے گا؟ سپارکو نے پیشگوئی کردی
25 جون ، 2025
پاکستان کے قومی خلائی ادارے سپارکو نے محرم الحرام 1447 ہجری کے چاند سے متعلق پیشگوئی کر دی۔
سپارکو کے مطابق محرم الحرام کا چاند 26جون بروز جمعرات کو نظر آنے کا امکان ہے اور یکم محرم 1447 ہجری 27 جون کو متوقع ہے۔
ترجمان نے بتایا کہ نئے چاند کی پیدائش 25 جون کو سہ پہر 3:32 بجے ہوگی اور 26جون جمعرات کو غروب آفتاب کے وقت چاند کی عمر 28 گھنٹے،15 منٹ ہوگی جب کہ اور مطلع صاف ہونے کے باعث نیا چاندآسانی سے دیکھا جاسکے گا۔
ترجمان کے مطابق ملک کے ساحلی علاقوں میں غروب آفتاب اور چاند کے غروب ہونے کے درمیان وقفہ 75 منٹ ہوگا جو چاند کی رویت کے لیے بہترین حالات فراہم کرے گا۔
تاہم اگر چاند 26 جون کو نظر آجاتا ہے تو 9 محرم الحرام 5 جولائی بروز ہفتہ اور یوم عاشور 10 محرم 6 جولائی بروز اتوار کو ہوگا۔
