پی ایس ایل 3 : رومان رئیس فیلڈنگ کے دوران زخمی ہوگئے

time 01 مارچ ، 2018

پاکستان سپر لیگ کے تیسرے ایڈیشن میں کوئٹہ گلیڈی ایٹرز کے خلاف میچ میں فیلڈنگ کے دوران اسلام آباد یونائیٹڈ کے اہم کھلاڑی رومان رئیس زخمی ہوگئے۔

شارجہ میں کھیلے گئے میچ میں اسلام آباد یونائیٹڈ کے لیفٹ آرم فاسٹ بولر رومان رئیس چوکا روکنے کی کوشش کرتے ہوئے گھٹنے پر چوٹ لگا بیٹھے۔

رومان رئیس نے چوکا روکنے کے لیے ڈائیو لگانے کی کوشش کی تاہم ان کا گھٹنا زور سے زمین پر لگا اور وہ گراؤنڈ میں ہی درد سے کراہنے لگے۔

انہیں فوری طور پر طبی امداد فراہم کی گئی تاہم بعد ازاں رومان رئیس کو اسٹریچر پر ڈال کر گراؤنڈ سے باہر لے جایا گیا۔

اسلام آباد یونائیٹڈ کے کوچ ڈین جونز نے میڈیا سے گفتگو کرتے ہوئے کہا کہ رومان رئیس کے ٹیسٹ کیے جارہے ہیں، ہم امید کرتے ہیں کہ ان کی انجری سنگین نوعیت کی نہ ہو۔

ڈین جونز نے کہا کہ انجری کی نوعیت کے حوالے سے حتمی طور پر ایم آر آئی ٹیسٹ کی رپورٹ آنے کے بعد ہی کچھ کہا جاسکے گا۔

انہوں نے کہا کہ رومان رئیس اچھا کھلاڑی ہے ہم امید کرتے ہیں کہ وہ جلد فٹنس حاصل کرلیں گے۔

خیال رہے کہ رومان رئیس اسلام آباد یونائیٹڈ کے اہم کھلاڑیوں میں سے ایک ہیں اور پی ایس ایل تھری کے ابتدائی دو میچز میں مصباح الحق کی غیر موجودگی میں رومان نے ہی کپتانی کے فرائض انجام دیے تھے۔

فی الحال رومان رئیس کی انجری کی نوعیت کے حوالے سے کچھ نہیں کہا جاسکتا البتہ بظاہر ایسا محسوس ہوتا ہے کہ انہیں گھٹنے پر چوٹ آئی ہے۔

رومان رئیس اس سے قبل بھی گھٹنے کی انجری کا شکار رہ چکے ہیں اور اگر ان کی انجری سنگین نوعیت کی ہوئی تو یہ اسلام آباد کے لیے بری خبر ہوگی۔

رومان رئیس کی انجری کے ساتھ ساتھ اسلام آباد یونائیٹڈ کو کوئٹہ کے ہاتھوں شکست کا صدمہ بھی برداشت کرنا پڑا۔ اسلام آباد نے اب تک 3 میچز کھیلے ہیں جن میں سے اسے دو میں شکست اور ایک میں کامیابی ملی ہے۔

مزید خبریں

پاکستان سپر لیگ کی گورننگ کونسل کا اجلاس آج ہوگا

افغانستان سے ٹی ٹوئنٹی سیریز میں شکست پر محمد رضوان نے کیا کہا؟

پی ایس ایل 8 کی ٹرافی واہگہ بارڈر پہنچ گئی

پی ایس ایل فائنل میں امپائر کیساتھ نازیبا گفتگو، منیجر ملتان سلطانز پر پابندی عائد

لاہور قلندرز کے انگلش کھلاڑی سیم بلنگز کی رمضان کی مبارکباد

وسیم اکرم نے پی ایس ایل 8 کا احاطہ کرتی میمز شیئر کر دیں

تمام خبریں دیکھیں

پوائنٹس ٹیبل

ٹیم	میچ	پوائنٹ
لاہور قلندرز	10	14
ملتان سلطان	10	12
اسلام آباد یونائیٹڈ	10	12
پشاور زلمی	10	10
کراچی کنگز	10	6
کوئٹہ گلیڈی ایٹرز	10	6

@geonews_sport

Tweets by geonews_sport

@thePSLt20

Tweets by geonews_sport