کوئٹہ گلیڈی ایٹرز اور پشاور زلمی کے غیر ملکی کھلاڑی کراچی پہنچ گئے

time 10 مارچ ، 2019

کوئٹہ گلیڈی ایٹرز اور پشاور زلمی کے غیر ملکی کھلاڑیوں کی کراچی آمد—. فوٹو ٹوئٹر

کراچی: پاکستان سپر لیگ (پی ایس ایل) 4 کے پلے آف مرحلے میں کوالیفائی کرنے والی ٹیمیں کوئٹہ گلیڈی ایٹرز اور پشار زلمی کے غیر ملکی کھلاڑی کراچی پہنچ گئے ہیں۔

جناح انٹرنیشنل ائیر پورٹ پر کوئٹہ گلیڈی ایٹرز کی ٹیم انتظامیہ نے تمام غیر ملکی کھلاڑیوں کا بلوچی پگ پہنا کر شاندار استقبال کیا۔

کوئٹہ گلیڈی ایٹرز ٹیم کے غیر ملکی کھلاڑیوں میں سپر اسٹار شین واٹسن سمیت ڈی جے براوو، رائیلی روسو، ڈیوین اسمتھ، ہیری گرنی اور مینٹور سر ویوین رچرڈز بھی شامل ہیں۔

ادھر پشاور زلمی کا اسکواڈ بھی ڈیرن سیمی کی قیادت میں آج صبح کراچی پہنچ گیا ہے۔

دبئی سے کراچی پہنچنے پر چیئرمین پشاور زلمی جاوید آفریدی کا کہنا تھا کہ پاکستان میں پی ایس ایل کے آٹھ میچ کرانا تاریخی موقع ہے، یہ انٹرنیشنل کرکٹ کی مکمل بحالی میں بڑا قدم ثابت ہوں گے اور وہ دن دور نہیں جب پی ایس ایل کے تمام میچز پاکستان میں ہوں گے۔

انہوں نے پی ایس ایل کے شاندار انتظامات اور سیکیورٹی پر پی سی بی، وفاقی و صوبائی حکومت اور سیکیورٹی اداروں کا شکریہ ادا کیا اور کہا کہ پاکستان آنے والے تمام فرنچائزز کے غیر ملکی کھلاڑیوں کو مہمان اور ہیرو ہیں۔

یاد رہے کہ نیشنل اسٹیڈیم میں آج کراچی کنگز اور کوئٹہ گلیڈ ی ایٹرز کا میچ شام 7 بجے شروع ہوگا۔

کراچی کنگز کو پلے آف مرحلے میں جگہ بنانے کے لیے میچ جیتنے کی بھرپور کوشش کرنی پڑے گی۔

مزید خبریں

پاکستان سپر لیگ کی گورننگ کونسل کا اجلاس آج ہوگا

افغانستان سے ٹی ٹوئنٹی سیریز میں شکست پر محمد رضوان نے کیا کہا؟

پی ایس ایل 8 کی ٹرافی واہگہ بارڈر پہنچ گئی

پی ایس ایل فائنل میں امپائر کیساتھ نازیبا گفتگو، منیجر ملتان سلطانز پر پابندی عائد

لاہور قلندرز کے انگلش کھلاڑی سیم بلنگز کی رمضان کی مبارکباد

وسیم اکرم نے پی ایس ایل 8 کا احاطہ کرتی میمز شیئر کر دیں

تمام خبریں دیکھیں

پوائنٹس ٹیبل

ٹیم	میچ	پوائنٹ
لاہور قلندرز	10	14
ملتان سلطان	10	12
اسلام آباد یونائیٹڈ	10	12
پشاور زلمی	10	10
کراچی کنگز	10	6
کوئٹہ گلیڈی ایٹرز	10	6

@geonews_sport

Tweets by geonews_sport

@thePSLt20

Tweets by geonews_sport