پی ایس ایل 6: قلندرز نے اپنے پہلے میچ میں زلمی کو شکست دے دی

time 21 فروری ، 2021

پاکستان سپر لیگ (پی ایس ایل) 6 کے دوسرے میچ میں لاہور قلندرز نے پشاور زلمی کو 4 وکٹوں سے شکست دے دی۔

کراچی کے نیشنل اسٹیڈیم میں کھیلے گئے میچ میں لاہور قلندرز کے کپتان نے ٹاس جیت کر پشاور کو پہلے بیٹنگ کی دعوت دی، پشاور نے 20 اوورز میں 6 وکٹوں کے نقصان پر 140 رنز بنائے، جس کے جواب میں قلندرز نے 141 رنز کا ہدف 6 وکٹوں کے نقصان پر 18.3 اوورز میں پورا کرلیا۔

پشاور کی اننگز

پشاور کی جانب سے اننگز کا آغاز امام الحق اور کامران اکمل نے کیا لیکن میچ کی پہلی ہی گیند پر امام الحق بغیر کوئی رن بنائے آؤٹ ہو گئے جب کہ کامران اکمل بھی 5 رن ہی بنا سکے۔

حیدر علی بھی اپنا کھاتا نہ کھول سکے جبکہ شعیب ملک اور شرفین ردرفورڈ نے 26، 26 رنز کی اننگز کھیلیں۔

پشاور زلمی کے روی بپارا نے 50 رنز اسکور کیے جبکہ عماد بٹ 11 گیندوں پر 2 چھکوں اور ایک چوکے کی مدد سے 23 رنز بنا کر ناٹ آؤٹ رہے۔

لاہور قلندرز کی جانب سے شاہین شاہ آفریدی نے 3، سلمان مرزا نے 2 اور ڈیوڈ ویسے نے ایک کھلاڑی کو آؤٹ کیا۔

لاہور کی اننگز

قلندرز نے ہدف کے تعاقب میں اننگز کا آغاز محتاط انداز میں کیا، پہلے آؤٹ ہونے والے کھلاڑی کپتان سہیل اختر تھے جو کہ 29 کے مجموعی اسکور پر 14 رنز بنا کر مجیب الرحمان کی گیند پر آؤٹ ہوگئے۔

جلد ہی فخر زمان اور آغا سلمان بھی پویلین لوٹ گئے ، دونوں نے بالترتیب 15 اور 21 رنز بنائے۔

89 کے مجموعی اسکور پر بین ڈنک کو وہاب ریاض نے کلین بولڈ کردیا، انہوں نے 14 گیندوں پر 22 رنز بنائے، اس موقع پر حفیظ ذمہ داری سے کھیلتے ہوئے وکٹ پر موجود رہے۔

قلندرز کے آخری آؤٹ ہونے والے کھلاڑی سمت پٹیل تھے جو کہ 109 کے مجموعی اسکور پر 8 رنز بنا کر آؤٹ ہوگئے۔

اس موقع پر راشد خان نے جارحانہ انداز میں کھیلتے ہوئے 15 گیندوں پر 27 رنز بنائے اور ٹیم کو فتح دلوادی، محمد حفیظ 33 رنز بنا کر ناٹ آؤٹ رہے۔

پشاور کی جانب سے وہاب ریاض اور ثاقب محمود نے 2،2 اور مجیب الرحمان اور عماد بٹ نے ایک، ایک وکٹ حاصل کی۔

بہترین بولنگ پر قلندرز کے شاہین آفریدی کو مین آف دی میچ کا ایوارڈ دیا گیا ، انہوں نے 14 رنز دے کر 3 وکٹیں حاصل کیں۔

مزید خبریں

پاکستان سپر لیگ کی گورننگ کونسل کا اجلاس آج ہوگا

افغانستان سے ٹی ٹوئنٹی سیریز میں شکست پر محمد رضوان نے کیا کہا؟

پی ایس ایل 8 کی ٹرافی واہگہ بارڈر پہنچ گئی

پی ایس ایل فائنل میں امپائر کیساتھ نازیبا گفتگو، منیجر ملتان سلطانز پر پابندی عائد

لاہور قلندرز کے انگلش کھلاڑی سیم بلنگز کی رمضان کی مبارکباد

وسیم اکرم نے پی ایس ایل 8 کا احاطہ کرتی میمز شیئر کر دیں

تمام خبریں دیکھیں

پوائنٹس ٹیبل

ٹیم	میچ	پوائنٹ
لاہور قلندرز	10	14
ملتان سلطان	10	12
اسلام آباد یونائیٹڈ	10	12
پشاور زلمی	10	10
کراچی کنگز	10	6
کوئٹہ گلیڈی ایٹرز	10	6

@geonews_sport

Tweets by geonews_sport

@thePSLt20

Tweets by geonews_sport