Advertisement

کھیل
time icon 23 فروری ، 2021

ویڈیو: سرفراز اور حفیظ کے درمیان میچ کے بعد کیا ہوا؟

گزشتہ روز لاہور قلندرز کے خلاف میچ میں کوئٹہ گلیڈی ایٹرز کے کپتان سرفراز  احمد کے اپنے بولرز  پر غصے کی وجہ سے جہاں انہیں تنقید کا نشانہ بنایا جا رہا ہے وہیں میچ کے بعد محمد حفیظ کو راستہ دینے کی ویڈیو بھی خوب شیئر ہو رہی ہے۔

کوئٹہ گلیڈی ایٹرز کو گزشتہ روز لاہور قلندرز کے خلاف 8 وکٹوں سے شکست کا سامنا کرنا پڑا جو کہ ایونٹ میں کوئٹہ کی مسلسل دوسری شکست تھی۔

میچ کے دوران گلیڈی ایٹرز کے بولرز نے خوب رنز دیےاور میچ ہاتھ سے نکلتا دکھائی دینے پر سرفراز احمد پریشان ہونے کے ساتھ ساتھ بولرز پر غصہ کرتے رہے۔

اسی دوران سرفراز کی ایک تصویر بھی سوشل میڈیا پر گردش کرنے لگی جس میں بظاہر ایسا دکھائی دیا کہ سرفراز محمد حفیظ سے ہاتھ ملانے سے انکار کر رہے ہیں۔

گزشتہ دنوں دونوں کرکٹرز کے درمیان سوشل میڈیا پر نوک جھونک بھی چلتی رہی جس کی بنیاد پر کئی لوگ اسے حقیقت بھی سمجھ بیٹھے۔

لیکن اگر اس واقعے کی ویڈیو دیکھیں تو گراؤنڈ سے باہر جاتے ہوئے سرفراز محمد حفیظ کو ہاتھ ملانے سے انکار نہیں کر رہے بلکہ وہ محمد حفیظ کو راستہ دے رہے ہیں۔

سرفراز کے چاہنے والے ان کے اس عمل پر ویڈیو دیکھنے کے بعد انہیں سراہا بھی رہے ہیں۔ 

Advertisement

@geonews_sport

Advertisement