Advertisement

کھیل
time icon 04 مارچ ، 2021

’نظر لگ گئی کسی کی ہماری پی ایس ایل کو‘

فوٹو: فائل

پاکستان سپر لیگ کے چھٹے ایڈیشن میں اسلام آباد یونائیٹڈ کے فاسٹ بولر حسن علی نے لیگ ملتوی ہونے پر افسوس کا اظہار کیا ہے۔

پاکستان سپر لیگ کے دوران کھلاڑیوں اور ٹیم آفیشلز کے دوران کورونا کے بڑھتے کیسز کے باعث پی ایس ایل غیر معینہ مدت تک کے لیے ملتوی کر دی گئی ہے۔

اس حوالے سے کھلاڑیوں اور ماہرین کا ردعمل بھی سامنے آنا شروع ہو گیا ہے۔

اسلام آباد یونائیٹڈ کے فاسٹ بولر حسن علی نے سوشل میڈیا پر اپنے بیان میں کہا کہ ’نظر لگ گئی کسی کی ہماری پی ایس ایل کو‘

حسن علی نے اپنے ٹوئٹ میں آنکھوں سے آنسو نکلنے والا ایموجی بھی شیئر کیا۔

خیال رہے پاکستان سپر لیگ کے چھٹے ایڈیشن میں 34 میچز ہونے تھے تاہم 14 میچز کے بعد لیگ کو غیر معینہ مدت تک کے لیے ملتوی کر دیا گیا ہے۔

Advertisement

@geonews_sport

Advertisement