پی ایس ایل7:لاہور قلندرز نے کوئٹہ گلیڈی ایٹرز کو 8 وکٹوں سے شکست دے دی

time 13 فروری ، 2022

142 رنز کا ہدف لاہور قلندرز نے باآسانی 18ویں اوور میں 2وکٹوں پر حاصل کرلیا،۔ —فوٹو:پی ایس ایل

پاکستان سپر لیگ( پی ایس ایل) کے ساتویں ایڈیشن کے دوسرے مرحلے میں لاہور قلندرز نے فخر اور کامران غلام کی شاندار بیٹنگ کی بدولت کوئٹہ گلیڈی ایٹرز کو باآسانی 8 وکٹوں سے شکست دے دی۔

142 رنز کا ہدف لاہور قلندرز نے باآسانی 18ویں اوور میں 2وکٹوں پر حاصل کرلیا، کامران غلام 55 رنز بناکر ناقابل شکست رہے۔

قذافی اسٹیڈیم لاہور میں کھیلے گئے میچ میں لاہورقلندرز کے کپتان شاہین شاہ آفریدی نے ٹاس جیت کر کوئٹہ کو پہلے بیٹنگ کی دعوت دی۔

کوئٹہ گلیڈی ایٹرز نے مقررہ 20 اوورز میں7 وکٹوں پر 141 رنز بنائے، افتخار احمد 52 رنز بناکر نمایاں رہے۔

کوئٹہ گلیڈی ایٹرز کی اننگز

کوئٹہ گلیڈی ایٹرز کا ٹاپ آرڈر قلندرز کی شاندار بولنگ کا سامنا نہ کرسکا، آدھی ٹیم صرف 54 رنز پر پویلین لوٹ گئی۔ —فوٹو: پی ایس ایل

کوئٹہ گلیڈی ایٹرز کا ٹاپ آرڈر قلندرز کی شاندار بولنگ کا سامنا نہ کرسکا، آدھی ٹیم صرف 54 رنز پر پویلین لوٹ گئی، تاہم افتخار احمد کی نصف سنچری نے ٹیم کو سہرا دیا۔

افتخار احمد 39 گیندوں پر 52 جبکہ عمر اکمل 25 رنز بناکر آؤٹ ہوئے ، اس کے علاوہ حسان خان نے 17 رنز بنائے، یوں کوئٹہ نے مقرر ہ 20 اوورز میں7وکٹوں پر 141 رنز بنائے۔

قلندرز کی جانب سے شاہین آفریدی اور ڈیوڈ ویزے نے 2،2 وکٹیں حاصل کیں جبکہ راشد خان اور حارث رؤف نے ایک ، ایک کھلاڑی کو آؤٹ کیا۔

لاہور قلندرز کی اننگز

کامران غلام نے بھی بہترین بیٹنگ کی اور ٹیم کو کامیابی دلوادی، وہ 39 گیندوں پر 55 رنز بناکر نمایاں رہ —فوٹو: پی ایس ایل

142 رنز کے ہدف کے تعاقب میں لاہور قلندرز کا آغاز اچھا رہا ، اوپنر عبداللہ شفیق اور فخر زمان کے درمیان 41 رنز کی شراکت داری قائم ہوئی تاہم عبداللہ 19 رنز بناکر آؤٹ ہوگئے۔

ایک وکٹ گرنے کے بعد فخر نے ایک بار پھر شاندار بیٹنگ کا مظاہرہ کیا اور نصف سنچری اسکور کی لیکن وہ 53 رنز پر پویلین لوٹ گئے ۔

تاہم دوسری جانب کامران غلام نے بھی بہترین بیٹنگ کی اور ٹیم کو کامیابی دلوادی، وہ 39 گیندوں پر 55 رنز بناکر نمایاں رہے۔

پوائنٹس ٹیبل کی بات کی جائے تو ملتان سلطانز 7 میچز میں 12 پوائنٹس کے ساتھ سر فہرست ہے جبکہ لاہور قلندرز10 پوائنٹس کے ساتھ دوسرے اور اسلام آباد یونائیٹڈ تیسرے نمبر پر موجود ہے۔

واضح رہے کہ اتوار کو کھیلے گئے پہلے میچ میں پشاور زلمی نے یکطرفہ مقابلے کے بعد کراچی کنگز کو شکست دی۔

مزید خبریں

پاکستان سپر لیگ کی گورننگ کونسل کا اجلاس آج ہوگا

افغانستان سے ٹی ٹوئنٹی سیریز میں شکست پر محمد رضوان نے کیا کہا؟

پی ایس ایل 8 کی ٹرافی واہگہ بارڈر پہنچ گئی

پی ایس ایل فائنل میں امپائر کیساتھ نازیبا گفتگو، منیجر ملتان سلطانز پر پابندی عائد

لاہور قلندرز کے انگلش کھلاڑی سیم بلنگز کی رمضان کی مبارکباد

وسیم اکرم نے پی ایس ایل 8 کا احاطہ کرتی میمز شیئر کر دیں

تمام خبریں دیکھیں

پوائنٹس ٹیبل

ٹیم	میچ	پوائنٹ
لاہور قلندرز	10	14
ملتان سلطان	10	12
اسلام آباد یونائیٹڈ	10	12
پشاور زلمی	10	10
کراچی کنگز	10	6
کوئٹہ گلیڈی ایٹرز	10	6

@geonews_sport

Tweets by geonews_sport

@thePSLt20

Tweets by geonews_sport