پی ایس ایل: پشاور اور کوئٹہ میں سے کون پلے آف میں جگہ بنا سکتا ہے؟

time 10 مارچ ، 2023

اگر کوئٹہ اپنا میچ جیت گیا اور پشاور میچ ہار گیا تو پلے آف کی چوتھی ٹیم کا فیصلہ رن ریٹ پر ہوگا— فوٹو: فائل

ایچ بی ایل پی ایس ایل (پاکستان سپر لیگ) 27 ویں میچ میں ملتان سلطانز نے رائیلی روسو کی شاندار سنچری کی بدولت پشاور زلمی کی جانب سے دیا گیا 243 رنز کا ہدف حاصل کر لیا۔

اس فتح کے ساتھ ملتان سلطانز نے پی ایس ایل کے پلے آف کیلئے کوالیفائی کرلیا ہے، آج کی جیت کے ساتھ ملتان کے مجموعی پوائنٹس 10 ہوگئے ہیں، ملتان سلطانز اپنا آخری لیگ میچ کل ہفتے کو کیخلاف کھیلے گا۔

لاہور قلندرز، اسلام آباد یونائیٹڈ بھی پلے آف مرحلے کیلئے کوالیفائی کرچکے ہیں۔ اب مزید ایک ٹیم پلے آف میں جگہ بناسکتی ہے اور اس دوڑ میں کوئٹہ گلیڈی ایٹرز اور پشاور زلمی شامل ہیں، کراچی کنگز ایونٹ سے باہر ہوچکی ہے۔

پشاور زلمی 9 میچز کھیل کر 8 پوائنٹس کے ساتھ چوتھے نمبر پر ہے اور کوئٹہ 9 میچز میں سے 3 جیت کر 6 پوائنٹس کے ساتھ پانچویں نمبر پر ہے۔

اس حوالے سے دو میچز اب انتہائی اہم ہیں۔ ہفتے کو کوئٹہ گلیڈی ایٹرز ملتان سلطانز کے مدمقابل آئے گی۔ پلے آف میں پہنچنے کیلئے کوئٹہ کو نہ صرف یہ میچ بہت اچھے مارجن سے جیتنا ہوگا بلکہ یہ دعا بھی کرنی ہوگی کہ اتوار کو پشاور زلمی اسلام آباد کیخلاف اپنا میچ بری طرح ہار جائے۔ اس صورت میں بہتر رن ریٹ کی وجہ سے کوئٹہ پلے آف میں جاسکتا ہے۔

اگر کوئٹہ اپنا میچ ہار گیا تو پشاور از خود پلے آف میں پہنچ جائے گا۔ البتہ کوئٹہ کی جیت کی صورت میں اتوار کو پشاور زلمی کو پلے آف میں پہنچنے کیلئے اسلام آباد یونائیٹڈ کیخلاف میچ جیتنا ہوگا۔ اگر کوئٹہ اپنا میچ جیت گیا اور پشاور میچ ہار گیا تو پلے آف کی چوتھی ٹیم کا فیصلہ رن ریٹ پر ہوگا۔

پی ایس ایل: پشاور اور کوئٹہ میں سے کون پلے آف میں جگہ بنا سکتا ہے؟

مزید خبریں

پاکستان سپر لیگ کی گورننگ کونسل کا اجلاس آج ہوگا

افغانستان سے ٹی ٹوئنٹی سیریز میں شکست پر محمد رضوان نے کیا کہا؟

پی ایس ایل 8 کی ٹرافی واہگہ بارڈر پہنچ گئی

پی ایس ایل فائنل میں امپائر کیساتھ نازیبا گفتگو، منیجر ملتان سلطانز پر پابندی عائد

لاہور قلندرز کے انگلش کھلاڑی سیم بلنگز کی رمضان کی مبارکباد

وسیم اکرم نے پی ایس ایل 8 کا احاطہ کرتی میمز شیئر کر دیں

تمام خبریں دیکھیں

پوائنٹس ٹیبل

ٹیم	میچ	پوائنٹ
لاہور قلندرز	10	14
ملتان سلطان	10	12
اسلام آباد یونائیٹڈ	10	12
پشاور زلمی	10	10
کراچی کنگز	10	6
کوئٹہ گلیڈی ایٹرز	10	6

@geonews_sport

Tweets by geonews_sport

@thePSLt20

Tweets by geonews_sport