فخر زمان کو ٹیچر میتھس کی کلاس سے باہر کیوں نکال دیتی تھیں؟

time 14 مارچ ، 2023

قلندرز کی ٹیم کی ایک تصویر پر ایک صارف نے کافی غور کرتے ہوئے فخر سے سوال کیا کہ فخر بھائی آپ نے ٹائی کیوں نہیں لگائی ؟—فوٹو: انسٹاگرام/فخر زمان

پاکستان سپر لیگ میں لاہور قلندرز کے اوپنر فخر زمان نے میچ سے چھٹی والے دن دلچسپ پوسٹ شیئر کی جس نے سوشل میڈیا صارفین کی توجہ اپنی جانب سمیٹ لی۔

13 مارچ کو لاہور قلندرز کا اسکواڈ قلندرز سٹی میں ہونے والے جشن میں پہنچا جس میں شرکت سے قبل ٹیم کے کھلاڑیوں نے زبردست فوٹو شوٹ کرایا اور پوسٹ سوشل میڈیا پر شیئر کیں۔

فخر زمان کی جانب سے بھی ایک تصویر شیئر کی گئی جس میں وہ سونے کی اداکاری کررہے ہیں۔

ان کے ہمراہ راشد خان، حارث رؤف، کپتان شاہین شاہ آفریدی سمیت جلات خان اور دیگر موجود ہیں۔

فخر زمان نے تصویر کے کیپشن میں لکھا 'اس تصویر نے مجھے میرے اسکول کے دنوں کی یاد دلا دی'۔

کرکٹر نے مضحکہ خیز انداز میں کہا 'مجھے ریاضی کی کلاس میں بہترین نیند آیا کرتی تھی، مجھے اس بات کا اب تک علم نہیں کہ ٹیچر مجھے کلاس سے کیوں باہر نکالا کرتی تھیں'۔

انہوں نے حارث رؤف سے پوچھا 'کیا آپ بتا سکتے ہیں ایسا کیوں ہوتا تھا؟'

اس کے علاوہ قلندرز کی ٹیم کی ایک تصویر پر ایک صارف نے کافی غور کرتے ہوئے فخر سے سوال کیا کہ فخر بھائی آپ نے ٹائی کیوں نہیں لگائی ؟

جواب میں کرکٹر نے کہا کہ مجھے ٹائی باندھنا نہیں آتی اس لیے نہیں لگائی۔

واضح رہے کہ لاہور قلندرز 15 مارچ کو ملتان سلطانز سے پلے آف میچ کھیلے گی، جیتنے والی ٹیم فائنل کے لیے کوالیفائی کر جائے گی جب کہ ہارنے والی ٹیم کے پاس ایک موقع اور ہوگا۔

مزید خبریں

پاکستان سپر لیگ کی گورننگ کونسل کا اجلاس آج ہوگا

افغانستان سے ٹی ٹوئنٹی سیریز میں شکست پر محمد رضوان نے کیا کہا؟

پی ایس ایل 8 کی ٹرافی واہگہ بارڈر پہنچ گئی

پی ایس ایل فائنل میں امپائر کیساتھ نازیبا گفتگو، منیجر ملتان سلطانز پر پابندی عائد

لاہور قلندرز کے انگلش کھلاڑی سیم بلنگز کی رمضان کی مبارکباد

وسیم اکرم نے پی ایس ایل 8 کا احاطہ کرتی میمز شیئر کر دیں

تمام خبریں دیکھیں

پوائنٹس ٹیبل

ٹیم	میچ	پوائنٹ
لاہور قلندرز	10	14
ملتان سلطان	10	12
اسلام آباد یونائیٹڈ	10	12
پشاور زلمی	10	10
کراچی کنگز	10	6
کوئٹہ گلیڈی ایٹرز	10	6

@geonews_sport

Tweets by geonews_sport

@thePSLt20

Tweets by geonews_sport