سری لنکا اور بنگلہ دیش کی کرکٹ ٹیموں کے درمیان دوسرا ون ڈے انٹرنیشنل منگل کو دمبولا انٹرنیشنل اسٹیڈیم میں کھیلا جائے گا۔ مہمان ٹیم بنگلہ دیش کو 3میچوں کی سیریز میں 0-1کی برتری حاصل ہے۔

پہلے میچ میں بنگال ٹائیگرز نے 90 رنز سے کامیابی حاصل کی تھی۔ ہوم سائیڈ بدلہ لینے اور سیریز برابر کرنے کیلیے بے چین ہے۔

میچ کے حوالے سے بنگلہ دیشی کپتان مشرفی مرتضیٰ کا کہنا ہے کہ میری خواہش ہے کہ بیٹسمین دوسرے میچ میں بھی اچھی فارم کا مظاہرہ کریں۔

دوسری جانب سری لنکا کے لیے اچھی خبر نہیں ہے اسے سیریز کے بقیہ میچز میں بیٹسمین نروشن ڈکویلا کی خدمات حاصل نہیں ہونگی۔