04 مئی ، 2017 
افغان صدر نے دورہ پاکستان کی دعوت مسترد کر دی
04 مئی ، 2017
افغان صدر کے نائب ترجمان نے بر طانوی شریاتی ادار ے کو بتایا کہ افغان صدر اشرف غنی نے دورہ پاکستان کی دعوت مسترد کر دی ہے۔
خبر ایجنسی کے مطابق ترجمان نے کہا کہ افغان صدر نے پاکستا نی وفد سے ملاقاتوں میں دورہ پاکستان کی دعوت مسترد کرتے ہوئے کہا کہ ’میں تب تک پاکستان نہیں جاؤں گا، جب تک پاکستان مزار شریف، امریکن یونیورسٹی کابل اور قندھار حملوں کے ذمہ داروں کو افغانستان کے حوالے نہیں کرتا اور پاکستان میں موجود افغان طالبان کے خلاف عملی طور پر قدم نہیں اٹھاتے‘۔
دوسری جانب پاکستان کے دفتر خارجہ یا عسکری حکام نے افغان صدر کی جانب سے دورے کی دعوت کے مسترد کرنے کے دعوے پر کوئی ردعمل نہیں دیا۔پاکستان کا موقف ہے کہ اس کی سرزمین افغانستان سمیت کسی ملک کے خلاف استعمال نہیں ہو رہی ہے۔
مزید خبریں :
