کم وقت اور کم رقم میں سفر ممکن ہوگیا اور اب جرمن کمپنی وولو کاپٹر نے ائیر ٹیکسی متعارف کروادی۔
الیکٹریکل ائیر ٹیکسی کی پہلی آزمائشی پرواز نے فرانس کے دارالحکومت پیرس کے قریب مقامی ائیرپورٹ سے اڑان بھری اور یہ پرواز 3 منٹ تک آسمان پر اڑتی رہی جبکہ اس پرواز میں کوئی مسافر سوار نہیں تھا۔
جرمن کمپنی کی جانب سے اعلان کیا گیا ہے کہ ائیر ٹیکسی کی سروس 2024 میں پیرس میں ہونے والے اولمپکس میں شروع کی جائے گی۔
ساتھ ہی کمپنی نے لوگوں کو نئے خواب بھی دکھادیے اور کہا کہ جیسے جیسے ٹیکسی کی تعداد بڑھے گی، ممکن ہے کہ ائیر ٹیکسی کا کرایہ بھی عام ٹیکسیوں جتنا ہوجائے۔