سری لنکا کے صدر گوٹابایا راجا پاکسے نے اسپیکر کو اپنا استعفیٰ بھجوا دیا ہے۔
غیر ملکی خبررساں ادارے کی رپورٹ کے مطابق سری لنکن اسپیکر آفس نے تصدیق کر دی ہے کہ پارلیمنٹ کے اسپیکرکو صدر راجا پاکسے کا استعفیٰ موصول ہوگیا ہے۔
خیال رہے کہ سری لنکا میں بدترین معاشی بحران کے بعد حکومت کے خلاف عوامی احتجاج کے دوران مظاہرین نے صدارتی محل پر دھاوا بول دیا تھا اور صدر اور وزیراعظم کے مستعفی ہونے تک صدارتی محل کا قبضہ نہ چھوڑنے کا اعلان کیا تھا، جس کے بعد سری لنکن صدر ملک سے فرار ہو کر مالدیپ چلے گئے تھے۔
آج سری لنکن اسپیکر آفس نے تصدیق کر دی ہے کہ سری لنکا کے صدر نے اپنا استعفیٰ اسپیکر کو بھجوا دیا ہے۔
تازہ ترین اطلاعات کے مطابق سری لنکن صدر اس وقت سنگاپور میں ہیں۔