27 جنوری ، 2016 
ملک بھر میں آرمی اسکول،کالج، کینٹ اور گیریژن کے تعلیمی ادارے بند
27 جنوری ، 2016
اسلام آباد......ملک بھر میں آرمی پبلک اسکول، کالج اور کینٹ اینڈ گریژن میں ایف جی ایجوکیشنل ڈائریکٹوریٹ کے زیرانتظام تمام تعلیمی ادارے بند کر دیے گئے۔
راولپنڈی میں سیکنڈری کلاسوں کے طلبہ کو امتحانات کی تیاری کرانے کے لیے 29 جنوری تک روزانہ تین گھنٹے کی کلاسیں جاری رہیں گی۔
حکومت پنجاب نے سردی کی اضافی تعطیلات کا اعلان کیا تو صوبے بھر میں تمام سرکاری اور نجی تعلیمی اداروں کو بند کردیا گیا، تاہم پاک فوج کے زیر انتظام اسکول اور کالجز کھلے رہے۔
ذرائع کے مطابق آج ملک بھر میں آرمی پبلک اسکولز اور کالجز کو 31 جنوری تک بند کر دیا گیا ہے،اس کے علاوہ کینٹ اور گیریژن میں فیڈرل گورنمنٹ ایجوکیشنل انسٹی ٹیوٹ کے زیر انتظام چلنے والے تعلیمی اداروں میں بھی چھٹیوں کا اعلان کر دیا گیا ہے۔
ذرائع کا کہنا ہے کہ ان اسکولوں کو دہشت گرد حملے کے خدشات کے باعث بند کیا گیا ہے۔ تاہم راولپنڈی کے سرکاری اسکولوں میں سیکنڈری کلاسوں کے طلبا کو امتحانات کی تیاری کے لیے روزانہ تین گھنٹے کے لیے بلایا جا رہا ہے جبکہ وفاقی دارالحکومت میں تمام نجی اور سرکاری تعلیمی ادارے کھلے رہیں گے۔
