11 جون ، 2016 
لاہور کے 13 بڑےسرکاری اسکول دانش اسکول اتھارٹی کے حوالے
11 جون ، 2016
اسکول ایجوکیشن ڈیپارٹمنٹ پنجاب نے لاہور کے 13 بڑےسرکاری اسکولوں کو پنجاب دانش اسکول اتھارٹی کے حوالے کرنے کا نوٹیفیکیشن جاری کر دیا۔پنجاب بھر کےسرکاری اسکولوں کےاساتذہ نےاس فیصلےکے خلاف رمضان المبارک سےپہلےلاہورمیں دھرنا دیاتھا۔
اسکول ایجوکیشن ڈیپارٹمنٹ کے نوٹیفیکیشن کے مطابق لاہور کےجن13 اسکولوں کو پنجاب دانش اسکول اتھارٹی کے حوالے کیا گیا ،ان میں گورنمنٹ جونئیر اور سنٹرل ماڈل اسکول نمر 2 ریٹی گن ،گورنمنٹ اسلامیہ ہائی اسکول ملتان روڈ،گورنمنٹ سنٹرل ماڈل اسکول سمن آباد،گورنمنٹ ہائی اسکول باغبان پورہ ،گورنمنٹ ہائی اسکول تاج پورہ اسکیم،گورنمنٹ گرلز ہائی اسکول آراے بازار،گورنمنٹ کمپری ہینسیو گرلز ہائی اسکول وحدت روڈاورگورنمنٹ ہائی اسکول ٹاؤن شپ بھی شامل ہیں۔
احتجاج کرنے والے اساتذہ کا کہنا ہے کہ ان میں سےہراسکول 2ہزار سے زائد طلباءکاحامل ہے،جبکہ ان کارزلٹ بھی 100فیصدآتاہے،ان اسکولوں کو دانش اتھارٹی کےحوالےکرنےکافیصلہ سمجھ سےبالاترہے۔
